Lokun á Java veiðivottorðakerfinu sem var áætluð þann 1. desember næstkomandi hefur verið frestað til 6. janúar 2026.

Nýjar kröfur ESB um veiðivottorð taka gildi þann 10. janúar 2026 og frá þeim tíma mun útlit veiðivottorða breytast í samræmi við breyttar kröfur og Java kerfið styður ekki við þá breytingu.

Mikilvægt er að tryggja samfellu í þjónustu og koma í veg fyrir truflanir þegar slökkt verður endanlega á Java veiðivottorðakerfinu og hvetur Fiskistofa því alla aðila til að temja sér að nota vefveiðivottorðakerfið nú þegar eða um leið og tæknilausnir hafa verið innleiddar.

Allar upplýsingar um innskráningu í nýja kerfið ásamt leiðbeiningum um notkun á kerfinu er að finna í grein um veiðivottorð.