Við leitum að fjölhæfum, metnaðarfullum, sjálfstæðum, drífandi og jákvæðum einstaklingi með fjölbreytta og breiða þekkingu og reynslu.

Mannauður Fiskistofu er grunnstoðin í starfsemi hennar og er lögð mikil áhersla á starfsþróun, teymisvinnu og þekkingarmiðlun. Starfsumhverfið er metnaðarfullt og er lögð mikil áhersla á að byggja upp trausta liðsheild.

Helstu verkefni og ábyrgð

Starf sérfræðings á skrifstofu fiskistofustjóra er afar fjölbreytt og felst í aðstoð við verkefni skrifstofunnar sem tengjast fjármálum, gæðamálum og mannauðsmálum ásamt öðrum tilfallandi verkefnum.

Hæfniskröfur

• Háskólamenntun sem nýtist í starfi.

• Mjög góð almenn tölvukunnátta.

• Góð íslenskukunnátta.

• Grunnþekking á fjármálum og mannauðsmálum skilyrði.

• Grunnþekking á gæðastjórnun æskileg.

• Þekking og reynsla af verkefnastjórnun er kostur.

• Góð enskukunnátta er kostur.

• Greiningarfærni og talnagleggni.

• Sjálfstæði, fagmennska og nákvæmni í vinnubrögðum.

• Sanngirni og háttvísi.

• Mjög góð hæfni í hópastarfi og samskiptum nauðsynleg.

• Hreint sakavottorð.

Umsóknarfrestur er til og með 27. janúar 2026 og allar nánari upplýsingar er að finna á Starfatorgi.