Fiskistofa óskar eftir að ráða sérfræðing á skrifstofu fiskistofustjóra

Leitað er að fjölhæfum, metnaðarfullum, sjálfstæðum, drífandi og jákvæðum einstaklingi með fjölbreytta og breiða þekkingu og reynslu.

Mannauður Fiskistofu er grunnstoðin í starfsemi hennar og er lögð mikil áhersla á starfsþróun, teymisvinnu og þekkingarmiðlun. Starfs­um­hverfið er metnaðarfullt og er lögð mik­il áhersla á að byggja upp trausta liðsheild. Fiskistofa er með starfsstöðvar á Akureyri, Hafnarfirði, Neskaupstað, Stykkishólmi, Vestmannaeyjum og Ísafirði.Staðsetning starfsins er á Akureyri.

Fiskistofa leggur áherslu á stafrænar lausnir og sjálfvirknivæðingu sem styður við framtíðar­sýn stofnunarinnar. Fiskistofa er traust, skilvirk og framsækin stjórnsýslu- og eftirlitsstofnun þar sem hagnýting tækni og fagmennska styðja við sjálfbæra nýtingu hafs og vatna. Fyrir frekari upplýsingar um vinnustaðinn er umsækjendum bent á vefsíðu Fiskistofu: www.fiskistofa.is

Starf sérfræðings á skrifstofu fiskistofustjóra er afar fjölbreytt og felst í aðstoð við verkefni skrifstofunnar sem tengjast fjármálum, gæðamálum og mannauðsmálum ásamt öðrum tilfallandi verkefnum.

• Háskólamenntun sem nýtist í starfi.

• Mjög góð almenn tölvukunnátta.

• Góð íslenskukunnátta.

• Grunnþekking á fjármálum og mannauðsmálum skilyrði.

• Grunnþekking á gæðastjórnun æskileg.

• Þekking og reynsla af verkefnastjórnun er kostur.

• Góð enskukunnátta er kostur.

• Greiningarfærni og talnagleggni..

• Sjálfstæði, fagmennska og nákvæmni í vinnubrögðum.

• Sanngirni og háttvísi.

• Mjög góð hæfni í hópastarfi og samskiptum nauðsynleg.

• Hreint sakavottorð.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og kynningarbréf á íslensku þar sem umsækjandi gerir grein fyrir áhuga og hæfni í starfið út frá hæfniskröfum auglýsingar. Við ráðningar í störf hjá Fiskistofu er tekið mið af jafnréttisstefnu og jafnréttisáætlun stofnunarinnar og er fólk af öllum kynjum hvatt til að sækja um.

Umsóknir gilda í sex mánuði og verður öllum umsóknum svarað þegar ákvörðun um ráðningu hefur verið tekin. Athygli umsækjenda er vakin á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Fiskistofa áskilur sér rétt til að hætta við ráðningu í einstaka stöðu og/eða auglýsa að nýju.