Velja skal umhverfismerktar vörur í samræmi við stefnu ríkisstjórnarinnar um vistvæn innkaup og nota rammasamning Ríkiskaupa. Við innkaup skal tekið tillit til umhverfissjónarmiða jafnt sem kostnaðar og gæða.

Allur tölvu- og skrifstofubúnaður skal skarta viðeigandi umhverfis- og orkusparandi merkingum.

Leitast skal við að halda fjarfundi eftir því sem kostur er.

Draga úr pappírsnotkun, m.a. með því að prenta báðum megin á blöðin og gæta þess að prenta hvorki né ljósrita að óþörfu. Notast skal við fjölnota borðbúnað og draga úr notkun óþarfa umbúða auk þess fara sparlega með vatn, rafmagn, efni og efnavörur.

Úrgangur er flokkaður og skilað til endurnýtingar eða endurvinnslu og öllum spilliefnum fargað á ábyrgan hátt.

Við rekstur og viðhald bygginga og lóða á vegum Barna- og fjölskyldustofu skal leitast við að velja vistvæna kosti hverju sinni. Upplýsa skal verktaka um stefnu Barna- og fjölskyldustofu í umhverfismálum og gera kröfur um að henni sé fylgt eftir.

Leitast skal við að velja umhverfisvænar leiðir í samgöngum þegar ferðast er á vegum Barna- og fjölskyldustofu eða til og frá vinnu, t.d. óska eftir vistvænum bílum hjá bílaleigum, leigubílastöðvum, samnýta ferðir, hjóla eða ganga. Við kaup á bifreiðum fyrir Barna- og fjölskyldustofu skal velja sparneytin og vistvæn ökutæki eins og aðstæður leyfa. Starfsfólki er boðið að gera samgöngusamning.

Barna- og fjölskyldustofu haldi Grænt bókhald. Í Grænu bókhaldi eru teknar saman upplýsingar um hvernig innkaupum á margvíslegri rekstrarvöru og þjónustu er háttað, aðallega í formi tölulegra upplýsinga.