Loftslagsstefna

Framtíðarsýn

Barna- og fjölskyldustofa (BOFS) stefnir á að vera til fyrirmyndar í umhverfis- og loftslagsmálum með því að draga markvisst úr losun gróðurhúsalofttegunda (GHL) frá starfseminni og þeim áhrifum sem losunin hefur í för með sér. Stefna þessi tekur mið af skuldbindingum íslenskra stjórnvalda gagnvart Parísarsamningnum. Barna- og fjölskyldustofa vill leggja sitt af mörkum til að þessum skuldbindingum sé náð og taka þannig virkan þátt í baráttunni við loftlagsbreytingar.

Barna- og fjölskyldustofa tryggir að lagalegum kröfum sem tengjast starfsemi hennar sé fylgt og vinnur stöðugt að umbótum á umhverfisstarfi stofnunarinnar. Barna- og fjölskyldustofa fylgir grænum skrefum í ríkisrekstri og leggur þau til grundvallar í allri vinnu.

Markmið

Fram til 2030 mun Barna- og fjölskyldustofa draga úr losun gróðurhúsalofttegunda um samtals 40% miðað við árið 2019. Barna- og fjölskyldustofa mun fyrst og fremst leggja áherslu á að draga úr losun í rekstri og binda meiri koltvísýring en stofnunin losar með kaupum á vottuðum kolefniseiningum.

Gildissvið

Stefnan varðar allt starfsfólk Barna- og fjölskyldustofa, nær til samgangna á hennar vegum, orkunotkunar, úrgangsmyndunar og umhverfisfræðslu að auki til allrar annarrar starfsemi hennar, bygginga, mannvirkja og framkvæmda.

Umfang

Umhverfis- og loftslagsstefna Barna- og fjölskyldustofa tekur til eftirfarandi umhverfisþátta sem unnt er að fylgjast með og mæla hverju sinni á öllum starfsstöðum BOFS:

Samgöngur

Losun GHL vegna aksturs á bifreiðum BOFS sem og bílaleigu- og leigubílum
Losun GHL vegna flugferða starfsmanna innanlands og erlendis
Eflum fjarfundarmenningu
Fjöldi samgöngusamninga sem BOFS gerir við starfsmenn

Orkunotkun

Rafmagns- og heitavatnsnotkun

Úrgangur

Losun GHL vegna lífræns- og blandaðs úrgangs
Endurvinnsluhlutfall
Magn skrifstofupappírs sem prentaður er út
Heildarmagn úrgangs sem til fellur

Innkaup

Pappírsnotkun og prentþjónusta
Magn skrifstofupappírs sem stofnunin kaupir
Hlutfall umhverfisvottaðs skrifstofupappírs sem stofnunin kaupir
Hlutfall umhverfisvottaðrar prentþjónustu sem stofnunin kaupir
Magn ræsti- og hreinsiefna sem stofnunin kaupir sjálf
Hlutfall umhverfisvottaðra ræsti- og hreinsiefna sem stofnunin kaupir sjálf
Hlutfall umhverfisvottaðrar ræstiþjónustu sem stofnunin kaupir

Eftirfylgni

Síðan 2019 hefur Barna- og fjölskyldustofa haldið Grænt bókhald þar sem teknir eru saman þýðingarmestu umhverfisþættir í starfseminni. Niðurstöður bókhaldsins eru notaðar til að móta stefnu og aðgerðir í umhverfis- og loftslagsmálum.

Fyrir 1. apríl ár hvert er Grænt bókhald fyrra árs tekið saman og því skilað í Gagnagátt Umhverfisstofnunar. Teymi rekstrar- og þjónustu (umhverfisráð) sér um að taka bókhaldið saman.
Umhverfis- og loftslagsstefnan er rýnd árlega, árangur mældur, markmið og aðgerðaráætlun uppfærð þegar niðurstöður Græns bókhalds liggja fyrir. Allar uppfærslur verða lagðar fyrir yfirstjórn til samþykktar.
Upplýsingum um árangurinn er miðlað á heimasíðu Barna- og fjölskyldustofa ár hvert. Einnig birtast niðurstöður Græns bókhalds á heimasíðu Grænna skrefa ásamt niðurstöðum annarra ríkisstofnana.

Stefnan rýnd og samþykkt af framkvæmdastjórn Barna- og fjölskyldustofu 09.02.2021