Öryggisbúnaður við akstur á bifhjóli

Öryggisbúnaður fyrir hjól

• Ljós skulu alltaf vera kveikt þegar ekið er á bifhjóli

• Hjólbarðar þurfa að hafa eins mikið veggrip og mögulegt er. Í kulda, getur borgað sig að hafa loftþrýstingin allt að 2 pundum undir leiðbeiningum framleiðanda. Ef hjólbarðar eru of stífir, er hætta á að veggrip skerðist. 

Öryggisklæðnaður

Bifhjólamenn sjást oft illa og er æskilegt að velja hjálma og hlífðarfatnað í áberandi litum eða með endurskini.

• Hjálmur þarf að passa vel höfuð. Meðal endingartími hjálma er um fimm ár og styttri ef þeir hafa orðið fyrir hnjaski. Passa þarf að hjálmarnir séu samkvæmt ECE 22.05 staðli.

• Hlífðarfatnaður og hlífar þurfa að vera slitsterk og inni í eða innan undir fatnaðinum þurfa að vera brynjur sem draga úr höggi og alvarlegum meiðslum. Búnaðurinn þarf að vera CE merktur samkvæmt eftirfarandi stöðlum eða sambærilegum:

  • Jakkar, buxur og samfestingar - CE EN 13595

  • Bakhlífar - CE EN 1621

• Vetrarhanskar helst með góðri hlíf yfir hnúana, henta vel á Íslandi allt árið. Gæta skal þess að hanskarnir séu samkvæmt CE EN 13594 staðli.

• Skór og stígvél þurfa að vera með stífum ökkla til að minnka líkur á ökklabroti. Gæta skal þess að skórnir eða stígvélin séu samkvæmt CE EN 13634 staðli.

• Hlífðargleraugu veita skjól gegn ryki og skordýrum sem geta valdið skaða á augum. Oft virka slík gleraugu eins og sólgleraugu og geta aukið öryggi til þegar sól er lágt á loft. Gæta skal þess að hlífðargleraugun séu samkvæmt CE EN 1938 staðli.

• Hálskragi getur hlíft ökumanni við viðbeinsbroti, ásamt því að draga úr kælingu og þreytu í hálsvöðvum.

• Nýrnabelti geta dregið úr alvarlegum meiðslum og skemmdum á líffærum, þá helst nýrum. Skemmdir á nýrum geta helst orðið við akstur mótorkross hjóla en einnig við akstur annarra mótorhjóla. Beltin veita jafnframt stuðning við bakið og henta vel þeim sem eru með bakmeiðsli.

Staðlar