Menntun og atvinna fyrir fatlað fólk
Samkvæmt lögum á fatlað fólk rétt til náms með viðeigandi stuðningi á öllum stigum skólakerfisins. Það á líka rétt á starfsráðgjöf og aðstoð við að finna atvinnu við hæfi.
Menntun
Fötluð börn eiga rétt á leikskóladvöl og grunnskólakennslu í því sveitarfélagi sem þau eru skráð með lögheimili í. Nám á að fara fram með stuðningsþjónustu. Á höfuðborgarsvæðinu er rekinn sérskóli fyrir fatlaða nemendur á grunnskólaaldri.
Fötluðum nemendum framhaldsskóla skal samkvæmt lögum standa til boða sérfræðiaðstoð. Í mörgum framhaldsskólum eru sérdeildir, starfsbrautir og annað námsframboð, sérstaklega ætlað fötluðum nemendum.
Framhaldsskólar sem bjóða upp á starfsbrautir
Fjölmennt, símenntunar- og þekkingarmiðstöð, sinnir fjölbreyttu námskeiðahaldi fyrir fatlað fólk og veitir ráðgjöf um annað nám í samstarfi við Mími símenntun.
Fjölmennt
Mímir símenntun
Upplýsingar um skóla og ýmsa fræðslu á vef Sjálfsbjargar
Háskóli Íslands býður upp á starfstengt diplómanám fyrir fólk með þroskahömlun við Deild heilsueflingar, íþrótta og tómstunda. Innritað er annað hvert ár.
Starfstengt diplómanám fyrir fólk með þroskahömlun
Fatlað fólk getur sótt sér margs konar þjálfun og menntun til að auka lífsgæði og almenna lífsleikni, má þar nefna hæfingu, starfsþjálfun, háskólamenntun, símenntun, endurmenntun og fjarnám.
Atvinna
Öryrkjabandalag Íslands ásamt hagsmunasamtökum og félögum og sveitarfélög veita ráðgjöf og upplýsingar vegna menntunar og atvinnu sem stendur fötluðu fólki til boða.
Atvinna með stuðningi frá Vinnumálastofnun er leið í atvinnumálum fyrir þá sem þurfa aðstoð við að fá vinnu á almennum vinnumarkaði.
Styrktarfélagið Ás stýrir starfsnámi sem kallast Project SEARCH og er 9 mánaða, ólaunað, starfsnám. Námið fer fram á Landspítala hefur það að markmiði að undirbúa starfsnema fyrir atvinnu á almennum vinnumarkaði.
Sækja þarf um starfsnámið Project search
Vert að skoða
Fræðsla fyrir fatlað fólk og aðstandendur á vef Þroskahjálpar
Samningur Sameinuðu þjóðanna um réttindi fatlaðs fólks á vef ÖBÍ
Þjónusta við fatlað fólk á vef Sambands íslenskra sveitarfélaga
Starfstengt diplómanám fyrir fólk með þroskahömlun, Háskóli Íslands