Fréttabréf ágúst 2025

Miðasala er hafin á Tengjum ríkið, árlega ráðstefnu Stafræns Íslands. Ráðstefnan verður haldin þann 18. september 2025 á Hilton Nordica sem og í streymi. Yfirskrift ráðstefnunnar í ár snýr að öryggi og stafrænni forystu á óstöðugum tímum en einn fyrirlesara er Valerya Ionan ráðgjafi ríkisstjórnar Úkraínu í stafrænum málum.

Að vanda verður fjöldi áhugaverðra erinda frá stofnunum sem hafa náð góðum árangri í stafrænni vegferð og stafrænni þjónustu. Í takti við þema ársins fáum við erindi frá lögreglunni, landskjörstjórn, dómstólasýslunni, Stafrænu Íslandi og fleiri. Fundarstjóri verður Guðmundur Arnar Sigmundsson forstöðumaður netöryggissveitarinnar CERT-IS.

Að morgni ráðstefnudags verða haldnar vinnustofur sem snúa að þjónustu, tækniumhverfi og þróun, Ísland.is og framtíðarsýn stafrænnar vegferðar hins opinbera. Þátttakendur á vinnustofunum fá sérstakt boð en þar á meðal eru forstöðumenn, þjónustustjórar, vefstjórar, tæknistjórar og gagnastjórar stofnana sem og fulltrúar fyrirtækja. Markmið með vinnustofunum er að ná góðu samtali um þá stafrænu þróun sem framundan er.

Vinnustofurnar verða frá 10-12 að morgni ráðstefnudags en ráðstefnan frá 13.00-16.30.

Miðaverð í ár er 9.900 kr. fyrir ráðstefnuna og 3.900 kr. í streymi.

Kaupa miða á Tengjum ríkið

Vefumsjónarkerfi Ísland.is í útboð

Í lok júlí var opnað útboð vegna vefumsjónarkerfis Ísland.is (CMS) en tilboð bjóðenda verða opnuð þann 11.september 2025 kl. 13:00.

Lesa frétt um útboðið

Þjónustukerfi Ísland.is

Innleiðing á samræmdu þjónustukerfi fyrir opinbera aðila stendur nú yfir. Þegar hafa nokkrar stofnanir innleitt kerfið sem hefur skilað betri þjónustu og innri hagræðingu.

Lesa frétt um þjónustukerfi Ísland.is

Flýtileið stafrænna skírteina

Frá og með 1. september verða stafræn skírteini hins opinbera aðeins aðgengileg í Ísland.is appinu en ekki lengur í símaveskjum snjallsíma.

Lesa frétt um flýtileiðir skírteina

Umsókn um virknistyrk

Nýtt úrræði í félagslegakerfinu. Ný lög taka gildi um mánaðarmótin og stafræn umsókn er tilbúin til notkunar. Umsóknir sendast skila sér sjálfkrafa í starfskerfi Vinnumálastofnunar.

Lesa nánar um virknistyrki

Útgáfufréttir

Fyrsta útgáfa eftir sumarfrí var 19.ágúst.

Lesa útgáfufréttir 19.ágúst

Meðal verkefna Stafræns Íslands

Umsóknir

• Staðfesting á skólavist (grunnskóli)

• Skipta um grunnskóla

• Afturköllun ellilífeyris

• Skráning leigusamnings

• Tekjuáætlun TR

• Tilkynning um netglæp

• Umboð fyrir framkvæmdastjóra fyrirtækja

Notendaupplýsignar

• Skrá mörg netföng og tengja mismunandi netföng við umboð

Stjórnborð

• Tölfræði Stafræns pósthólfs fyrir stofnanir

Þjónustukerfi Ísland.is

Meðal stofnana sem hafa innleitt og nýta kerfið eru:

• Sýslumenn

• Umboðsmaður skuldara

• Tryggingastofnun

• Skatturinn

• HMS

• Lögreglan

• Vinnueftirlitið

Vefir í vinnslu

• Almannavarnir

• Dómstólasýslan

• Framkvæmdasýslan

• Heilsugæsla höfuðborgarsvæðisins

• Kærunefnd vöru- og þjónustukaupa

• Landspítali

• Lögreglan

• Rannís

• Framkvæmdasýslan

• Heilsugæsla Suðurnesja

• Rannís

Mínar síður Ísland.is

• Lyfjaávísanir og lyfjasaga

• Staða á biðlista

Stafrænt pósthólf

• Gagnvirk samskipti við almenning í gegnum þjónustukerfi

Fundir, ráðstefnur og vinnustofur

• Tengjum ríkið 18.september

• Opin efnisstefnukynning 23.september

• Örnámskeið - aðgengismál 24.september