Virknistyrkur

Frá og með 1. september 2025 geta einstaklingar á hlutaörorkulífeyri sótt um virknistyrk hjá Vinnumálastofnun.

Hlutaörorkulífeyrir er fyrir þau sem eru metin með 26 til 50% getu til virkni á vinnumarkaði samkvæmt samþættu sérfræðimati Tryggingastofnunar. Virknistyrkur er greiddur í allt að 24 mánuði á meðan umsækjandi er í virkri atvinnuleit.

Hvernig sækir maður um?

Sótt er um hér á síðunni. Ef þörf er á aðstoð er hægt að hafa samband við ráðgjafa Vinnumálastofnunar: ams@vmst.is.

Skilyrði fyrir virknistyrk 

Til að eiga rétt á virknistyrk þarf umsækjandi að:   

• eiga rétt til hlutaörorkulífeyris samkvæmt samþættu sérfræðimati Tryggingastofnunar,

• vera búsettur á Íslandi, eiga lögheimili hér og vera staddur í landinu,

• vera virkur atvinnuleitandi, sem þýðir að:

  • sýna frumkvæði í atvinnuleit,

  • vera tilbúinn að taka starf í samræmi við starfsgetu,

• ekki þiggja laun eða aðrar greiðslur vegna vinnu.

• vera reiðubúinn að taka þátt í úrræðum á vegum Vinnumálastofnunar,

• veita Vinnumálastofnun nauðsynlegar upplýsingar til að hægt sé að bjóða viðeigandi stuðning.

Greiðslur

• Virknistyrkur er 71.314 kr. á mánuði.

• Virknistyrkur er greiddur síðasta virka dag hvers mánaðar.

• Styrkurinn fellur niður þegar einstaklingur fær greitt fyrir störf á vinnumarkaði.

• Ekki er greitt fyrir daga sem umsækjandi er í tilfallandi vinnu eða dvelur erlendis.

• Tilkynna þarf vinnu og ferðalög á Mínum síðum Vinnumálastofnunar.

Stuðningur við atvinnuleit 

• Umsækjendur á virknistyrk fá einstaklingsmiðaðan stuðning.

• Öll eru boðuð í viðtal hjá ráðgjafa þar sem farið er yfir markmið í atvinnuleit miðað við starfsgetu.

Biðtími og viðurlög

Greiðslur virknistyrks geta verið stöðvaðar tímabundið:

• 2 mánuði, eða

• 3 mánuði ef um ítrekun er að ræða.

Þetta á við ef einstaklingur:

• hafnar starfi,

• mætir ekki eða hafnar atvinnuviðtali,

• hafnar þátttöku í vinnumarkaðsúrræði,

• veitir ekki nauðsynlegar upplýsingar sem geta haft áhrif á greiðslur.