Endurnýjun dvalarleyfis

Námsmenn þurfa að sýna fram á viðeigandi námsárangur til að endurnýja dvalarleyfi á grundvelli náms, sjá nánari upplýsingar í skilyrðum,

• Vottorð um námsárangur umsækjanda.

• Staðfesting á skráningu í áframhaldandi fullt nám (30 ECTS per semester). Mikilvægt er að fram komi hvort umsækjandi sé skráður í nám í eina önn eða tvær.

Eftirtalin gögn verða að fylgja rafrænni umsókn um endurnýjun dvalarleyfis á grundvelli atvinnu.

Það á einnig við þegar umsækjandi um endurnýjun dvalarleyfis er í vinnu hér á landi en er ekki undanþeginn kröfunni um atvinnuleyfi. Í þann hóp falla meðal annars einstaklingar með dvalarleyfi á grundvelli náms, fjölskyldusameiningar og lögmætra tengsla.

• Umsókn um viðeigandi atvinnuleyfi og ráðningarsamningur, sjá nánari upplýsingar á heimasíðu Vinnumálastofnunar.

Handhöfum dvalarleyfa á grundvelli mannúðarsjónarmiða og sérstakra tengsla við landið er heimilt að vinna á Íslandi án atvinnuleyfis.

Heimilt er að endurnýja dvalarleyfi námsmanns, sem lokið hefur háskólanámi hér á landi, í allt að þrjú ár frá útskriftardegi til þess að leita að atvinnu á grundvelli sérfræðiþekkingar.

Nauðsynlegt fylgigagn með slíkri umsókn er:

• Staðfest afrit af útskriftarskírteini frá háskóla á Íslandi.

Ef við á:

• Staðfest afrit af útskriftarskírteini úr grunnnámi frá háskóla erlendis, svo sem BA, BS, BEd eða BFa, eða sambærilegt nám. 

Með rafrænni umsókn um endurnýjun dvalarleyfis fyrir barn þarf að fylgja undirritað samþykki þess forsjárforeldris sem ekki fyllir út umsóknina. Ef foreldrið sem fyllir út umsóknina fer eitt með forsjá barnsins þarf þetta skjal ekki að fylgja umsókninni.

• Samþykki forsjárforeldris fyrir umsókn um endurnýjun dvalarleyfis fyrir barn