Landspítali
Brjóstamiðstöð Landspítala
Panta tíma í brjóstaskimun
Ef þú hefur fengið boðsbréf í skimun þá getur þú bókað tíma með eftirfarandi leiðum:
Vinsamlegast athugið að öllum er frjálst að mæta í skimun á Brjóstamiðstöð Landspítala í Reykjavík óháð búsetu.
Brjóstaskimun er fyrir einkennalausar konur. Ef þú hefur tekið eftir einkennum frá brjóstum, ráðleggjum við þér að hafa samband við heilsugæsluna í síma 1700. Ef þú ert á einkarekinni heilsugæslu (Kirkjusandi, Höfða, Urðarhvarfi eða Salahverfi), hafðu þá beint samband við viðkomandi heilsugæslu. Hjúkrunarfræðingar munu meta einkennin og hvort þörf sé á frekari rannsóknunum.
Brjóstaskimun á landsbyggðinni
Sjúkrahúsið á Akureyri
Við bendum á að brjóstaskimun er í boði allt árið á Sjúkrahúsinu á Akureyri (Sak) fyrir einstaklinga staðsetta á Akureyri og nærsveitum.
Teymi Brjóstamiðstöðvar Landspítala verður á ferðinni á eftirfarandi dögum í haust 2026:
Ísafjörður 7. - 9. september
Þórshöfn 15. september
Vopnafjörður 16. september
Egilsstaðir 21. - 24. september
Eskifjörður 28. sept. - 1. október
Kirkjubæjarklaustur 6. október
Vík 7. október
Hvolsvöllur 12. - 13. október
Selfoss 2. - 12. nóvember
Reykjanesbær 16. - 26. nóvember
Munið að bóka tíma. Tímapantanir fyrir allt landið fara fram í gegnum Brjóstamiðstöð Landspítala.
Fyrri skimanir á landsbyggðinni
Boð í brjóstaskimun
Boðið er í skimun eftir aldri:
40 til 69 ára, fá boð á tveggja ára fresti
70 til 74 ára, fá boð á þriggja ára fresti
Eldri en 74 ára fá ekki boðsbréf en eru velkomin í skimun og geta haft samband við heimilislækni eða Brjóstamiðstöð og pantað tíma.
Niðurstöður skimunar
Þú færð sent rafrænt svarbréf úr skimun á Heilsuveru og Ísland.is. þegar niðurstöður rannsóknar liggja fyrir, oftast innan þriggja vikna.