Atvik í heilbrigðisþjónustu

Hvað er óvænt atvik?

Óvænt atvik í heilbrigðisþjónustu er óhappatilvik, mistök, vanræksla eða önnur atvik sem valdið hafa sjúklingi tjóni eða hefðu getað valdið sjúklingi tjóni.

Heilbrigðisstofnanir, sjálfstætt starfandi heilbrigðisstarfsfólk og aðrir sem veita heilbrigðisþjónustu eiga að:

Hvað er óvænt alvarlegt atvik?

Óvænt alvarleg atvik í heilbrigðisþjónustu er atvik sem valdið hefur eða hefði getað valdið sjúklingi dauða eða varanlegum örkumlum (skaða).

• Heilbrigðisstofnanir, sjálfstætt starfandi heilbrigðisstarfsfólk og aðrir sem veita heilbrigðisþjónustu eiga að tilkynna embætti landlæknis án tafar um alvarleg óvænt atvik.

• Sjúklingur eða nánasti aðstandandi getur líka frá 1. september 2024 tilkynnt embætti landlæknis um óvænt alvarlegt atvik.

Viðbrögð við atvikum

Skráning og úrvinnsla atvika er mikilvægur liður í að efla gæði og öryggi í heilbrigðisþjónustu.

Fjölmargar rannsóknir hafa sýnt að orsakir atvika eru í flestum tilfellum ágallar í skipulagi en ekki sök þeirra sem vinna verkið. Eitt af því sem einkennir góða heilbrigðisþjónustu eru markvissar aðgerðir til að koma í veg fyrir óvænt og alvarleg atvik og draga úr hugsanlegum skaða vegna þeirra.

Embætti landlæknis hefur þýtt og staðfært leiðbeiningar um viðbrögð við atvikum.

Leiðbeiningar

• Viðbrögð gagnvart sjúklingi og aðstandendum. Leiðbeiningar I. Útgefið 2016

• Viðbrögð gagnvart starfsfólki stofnunar. Leiðbeiningar II. Útgefið 2016

• Viðbrögð stofnunar í því skyni að viðhalda og/eða endurheimta trúverðugleika og traust. Leiðbeiningar III. Útgefið 2016

Gátlistar

• Viðbrögð gagnvart sjúklingi og aðstandendum. Gátlisti I. Útgefið 2016

• Viðbrögð gagnvart starfsfólki stofnunar. Gátlisti II. Útgefið 2016

• Viðbrögð stofnunar í því skyni að viðhalda og/eða endurheimta trúverðugleika og traust. Gátlisti III. Útgefið 2016