Umhverfismati framkvæmda er ætlað að:

Tryggja að umhverfisáhrif tiltekinna framkvæmda hafi verið metin áður en ákvarðanir eru teknar um leyfisveitingar.

Benda á hvernig bregðast má við fyrirsjáanlegum neikvæðum afleiðingum með mótvægisaðgerðum og við hönnun framkvæmda.

Tryggja að almenningur hafi kost á því að taka þátt í umhverfismati framkvæmda.

Þegar leyfisveitendur ákveða hvort veita eigi leyfi til framkvæmdar er byggt á niðurstöðu umhverfismats. Ef niðurstaðan er að veita leyfi eru niðurstöður umhverfismatsins nýttar við endanlega útfærslu hennar, þannig að dregið verði eins og kostur er úr neikvæðum áhrifum hennar á umhverfið.