Að selja opinberum aðilum nýsköpun

Betri opinber þjónusta: Að hagnýta tækniframfarir tímanlega með kaupum á nýsköpun auðveldar hinu opinbera að mæta vaxandi kröfum um nútímalegri opinbera þjónustu á skilvirkari hátt en með hefðbundnum leiðum.

Hagkvæmari kostur: Þó nýjum lausnum fylgi kostnaður við innleiðingu er mikilvægt að meta afleiddan ávinning sem lausnir bera með sér á borð við skilvirkari starfsemi og sjálfvirkni ferla. 

Stöðug framþróun: Með jákvæðu viðhorfi gagnvart kaupum á nýsköpun til að mæta áskorunum getur hið opinbera fyrirbyggt stöðnun og sett mikilvæg fordæmi á markaði.

Aukin samkeppni: Með því að beina opinberum innkaupum að nýskapandi lausnum opnar hið opinbera á aðkomu fleiri og fjölbreyttari fyrirtækja að opinberum innkaupaferlum.

Hafa þarf hugfast að árangursmælikvarði opinberra innkaupa á nýsköpun miðast við jákvæð áhrif innkaupanna á opinberan rekstur og þjónustu fremur en fjárhagslega ávöxtunarkröfu líkt og þekkist á einkamarkaði. 

Nálgun við opinber innkaup á nýsköpun veltur á þroska þarfalýsingarinnar og markaðsgreiningar:

Engin tilbúin lausn mætir þörfini með fullnægjandi hætti:

Fullnægjandi lausn er til á markaði:

Innkaupa sérfræðingar Fjársýslunnar veita kaupendum ráðgjöf í hvoru ferlinu fyrir sig varðandi öll fyrirhuguð innkaup m.t.t. heimilda innan laga um opinber innkaup og alla nálgun við innkaup á nýsköpun.

Í Nýsköpunargáttinni birta opinberir kaupendur áskoranir sínar og kallar eftir samtali við markaðinn, sprota og önnur nýskapandi fyrirtæki um leiðir til að mæta áskoruninni sem undanfari opinberra innkaupa á nýsköpun.

Samtal um lausnir milli opinberra kaupenda og fyrirtækja er markmiðið

Í Nýsköpunargáttinni geta sprotar og nýskapandi fyrirtæki fengið beint samband við viðeigandi opinberan kaupanda til að máta hugmyndir að þróun nýrra lausna eða aðlögun tilbúinna lausna við þörf kaupandans til að leysa áskorunina.

Hafa þarf í huga hvert fjárhagslegt umfang þróunar eða aðlögunar lausnar mun vera m.t.t. viðmiðunarfjárhæða opinberra útboða.

Sérfræðingar á sviði umbóta og þróunar hjá Fjársýslunni aðstoða opinbera kaupendur við gerð þróunarsamninga undir viðmiðunarfjárhæðum og veita viðeigandi ráðgjöf við undirbúning og framkvæmd útboða sem kunna að fylgja í kjölfar þróunarsamstarfs við sprota og önnur nýskapandi fyrirtæki.

Fyrirtæki geta vaktað viðskiptatækifæri hjá hinu opinbera

Á www.utbodsvefur.is auglýsa allir opinberir kaupendur útboð sín, markaðskannanir og aðra innkaupaferla. Með því að gerast áskrifandi getur seljandi skráð sig á póstlista og vaktað þannig alla eða sérvalda auglýsingaflokka.

Þátttaka fyrirtækja eflir skilning á þörfum opinberra kaupenda

Svara markaðskönnunum opinbera aðila

Við undirbúning formlegra innkaupa framkvæma opinberir aðilar gjarnan markaðskannanir til að sækja innblástur frá fyrirtækjum og kortleggja lausnir á markaði sem kunna að mæta þörfum þeirra. Innlegg fyrirtækja í markaðskönnunum nýtist við að fullmóta þarfa- og tæknilýsingu kaupanda ásamt öðrum útboðsgögnum og veitir seljanda innsýn og skilning á þörfum hins opinbera.

Þátttaka fyrirtækja í markaðskönnun felur ekki í sér skuldbindandi tilboð.

Markaðskannanir (Request for information, RFI) eru birtar á utbodsvefur.is og fylgja leiðbeiningar um þáttöku með hverri auglýsingu. 

Þátttaka í útboði

Til þess að taka þátt í útboðum þarf að fara í gegnum sex eftirfarandi skref.

Sjá nánar um þátttöku seljenda í útboði eða öðrum innkaupaferlum

Fjársýslan gerir miðlæga samninga í tilteknum vöruflokkum við hæfa seljendur fyrir hönd opinberra kaupenda. Til eru tvær tegundir af miðlægum samningum:

• Rammasamningar (e. Framework Agreements)

• Gagnirkt innkaupakerfi (e. Dynamic Purchasing System / DPS)

Nýjar lausnir á markaði geta skapað hagræði í opinberum rekstri og leysa jafnvel eldri lausnir af hólmi. Seljendur nýskapandi lausna eru því hvattir til að taka þátt í miðlægum samningum svo opinberir kaupendur hafi greiðan aðgang að nýjungum á markaði.

Hvernig tek ég þátt?

Seljendur geta gerst aðilar að miðlægum samningi með því að fylgja leiðbeiningum seljenda að þátttöku í undirbúningi og gerð miðlægra opinberra samninga.

Sjá, Að verða aðili að rammasamningum sem seljandi

Sjá, Að verða aðili að gagnvirku innkaupaferli sem seljandi