3. júlí 2020

Tillaga að eldissvæðum vegna fiskeldis í Arnarfirði

Hafrannsóknastofnun hefur sent Skipulagsstofnun til kynningar í samræmi við 4. gr. a í lögum um fiskeldi, tillögu sína að afmörkun eldissvæða fyrir fiskeldi í Arnarfirði. Þetta er fyrsta tillaga að eldissvæðum sem unnin er á grundvelli þessa lagaákvæðis. Ákvörðun Hafrannsóknastofnunar um eldissvæði er forsenda þess að sjávarútvegsráðherra geti úthlutað svæðum til fiskeldis í sjó.

6. maí 2020

Gerð strandsvæðisskipulags á Austfjörðum og Vestfjörðum

Hafin er vinna við gerð strandsvæðisskipulags á Vestfjörðum og Austfjörðum á grundvelli laga um skipulag haf- og strandsvæða. Svæðisráð fyrir hvort svæði, skipað af umhverfis- og auðlindaráðherra, bera ábyrgð á gerð viðkomandi strandsvæðisskipulags. Skipulagsstofnun annast gerð skipulagsins í umboði svæðisráðanna.

14. apríl 2020

Ný reglugerð um gerð strandsvæðisskipulags

Umhverfis- og auðlindaráðherra hefur gefið út reglugerð um gerð strandsvæðisskipulags.

25. september 2019

Drög að reglugerð um gerð strandsvæðisskipulags

Drög að reglugerð um gerð strandsvæðisskipulags eru nú til umsagnar í samráðsgátt stjórnvalda. Um er að ræða nýja reglugerð á grundvelli laga nr. 88/2018 um skipulag haf- og strandsvæða.

5. júlí 2018

Ný lög um skipulag haf- og strandsvæða

Tekið hafa gildi ný lög um skipulag haf- og strandsvæða nr. 88/2018 sem samþykkt voru á Alþingi 12. júní síðastliðinn. Lögin fela annarsvegar í sér að setja skuli fram almenna stefnu um skipulagsmál á haf- og strandsvæðum og hinsvegar að gera skuli nánara svæðisbundið skipulag á tilteknum svæðum við strendur landsins.

12. maí 2017

Skipulag haf- og strandsvæða

Umhverfis- og auðlindaráðherra mælti þann 9. maí sl. fyrir frumvarpi til laga um skipulag haf- og strandsvæða á Alþingi. Hvort sem litið er til annarra Evrópulanda, vestur um haf eða til annarra heimshluta er víða um lönd verið að innleiða formlega skipulagsgerð á hafi þessi misserin, áþekka því sem víðast hvar hefur verið við lýði til margra áratuga við skipulag byggðar á landi. Þessa sjást meðal annars dæmi í tilskipun Evrópusambandsins um hafskipulag frá árinu 2014 og vinnu í einstökum aðildarríkjum þess á undanförnum árum við innleiðingu formlegar skipulagsgerðar á haf- og strandsvæðum. Lögin fela annarsvegar í sér að setja skuli fram almenna stefnu um skipulagsmál á haf- og strandsvæðum og hinsvegar að gera skuli nánara svæðisbundið skipulag á tilteknum svæðum við strendur landsins.