Ef kjósendur geta ekki kosið á kjördag er hægt að kjósa utan kjörfundar.

Kosning á Íslandi – hjá sýslumanni

Kjósendur á Íslandi geta kosið hjá sýslumönnum og í sumum sveitarfélögum.

Á höfuðborgarsvæðinu er kosið í Holtagörðum, 1. hæð, frá klukkan 10 - 22.

Kosning erlendis

Ef kjósandi er í vafa um hvar og hvernig eigi að kjósa erlendis er best að hafa samband við borgaraþjónustu utanríkisráðuneytisins í gegnum hjalp@utn.is eða í síma +354 5459900.

Atkvæðabréfið skal senda til sveitarfélagsins þar sem kjósandi var síðast á kjörskrá.

• Hér má finna heimilisföng sveitarfélaga.

Framkvæmd kosningar utan kjörfundar

Kjósandi gerir grein fyrri sér með skilríkjum eða á annan fullnægjandi hátt á kjörstað og fær afhent:

• kjörseðil

• umslag utan um kjörseðilinn

• fylgibréf með kjörseðlinum

• annað umslag fyrir póstsendingu

Kjörseðill við kosningu utan kjörfundar er auður, á honum eru ekki nöfn frambjóðenda. Kjósandi skrifar eða stimplar nafn þess forsetaframbjóðanda sem hann vill kjósa á seðilinn.

Fylgibréfið með kjörseðlinum, þar sem fram koma upplýsingar um kjósandann og hvert atkvæðið á að berast, þarf að vera undirritað af kjósanda og kjörstjóra.

Kjósandi ber ábyrgð á að koma atkvæðinu sínu á réttan stað. Hægt er að setja bréfið í póst, eða afhenda það einhverjum sem kjósandi felur að koma því til skila. Fram að kjördegi er kjörstjóra skylt, ef kjósandi óskar þess, að koma bréfinu í póst.

Atkvæðabréfið skal senda til sveitarfélagsins þar sem kjósandi var síðast á kjörskrá.

• Hér má finna heimilisföng sveitarfélaga.

Kjósandi sem greiðir atkvæði hjá sýslumanni í umdæmi þar sem hann er á kjörskrá getur sett bréfið í atkvæðakassa þar.

Kosning inni á stofnunum

Við sérstakar aðstæður getur verið heimilt að kjósa inni á stofnunum, líkt og t.d.:

• sjúkrahúsum

• dvalarheimilum aldraðra

• stofnunum fyrir fatlað fólk

• fangelsum

Sýslumaður auglýsir hvar og hvenær hægt er að kjósa á viðeigandi stöðum:

• á höfuðborgarsvæðinu

• á Suðurlandi

• í Vestmannaeyjum

• á Norðurlandi vestra

• á Suðurnesjum

• á Austurlandi

Hér er hægt að skoða leiðbeiningar varðandi framkvæmd utankjörfundaratkvæðagreiðslu á sjúkrahúsi, dvalarheimilum, stofnunum fyrir fatlað fólk og í fangelsum.

Kosning í heimahúsi

Ef kjósandi getur ekki kosið á kjördegi vegna sjúkdóms, fötlunar eða barnsburðar er heimilt að kjósa í heimahúsi.

Sækja þarf skriflega um að fá að greiða atkvæði í heimahúsi til sýslumanns fyrir klukkan 10:00 tveimur dögum fyrir kjördag. Lögráða einstaklingur þarf að staðfesta hagi umsækjanda, þ.e. að viðkomandi geti ekki sótt kjörfund vegna sjúkdóms, fötlunar eða barnsburðar. Hægt er að kjósa í fyrsta lagi þremur vikum fyrir kjördag. Ósk um að kjósa í heimahúsi þarf að berast til kjörstjóra í síðasta lagi tveimur dögum fyrir kjördag.