Greiða atkvæði í heimahúsi

Kjósandi getur sótt um að greiða atkvæði í heimahúsi ef hann getur ekki sótt kjörfund á kjördegi vegna sjúkdóms, fötlunar eða barnsburðar nema hann eigi kost á að greiða atkvæði á stofnun.

Umsókn þarf að berast kjörstjóra fyrir kl. 10:00 tveimur dögum fyrir kjördag. Tekið er á móti slíkum umsóknum á kjörstöðum og skrifstofum sýslumanna, þá má einnig senda þær í tölvupósti á netfang viðkomandi sýslumanns.

Hvort sem umsókn berst á pappír eða með tölvupósti þarf hún að vera skrifleg, þ.e. undirritun umsækjanda og votta skulu vera handskrifuð. Sé umsókn send með tölvupósti skal senda afrit af handskrifaðri umsókn með sem viðhengi.

Þeir sem fyrirsjáanlega þurfa að óska eftir að fá að greiða atkvæði í heimahúsi eru hvattir til að skila beiðni inn tímanlega.