Martröð í munni
Fræðslumyndböndin Martröð í Munni fjalla um nikótín, ávanabindingu þess og leiðir til að halda sig frá nikótíni eða hætta notkun þess. Þau eru sérstaklega hugsuð fyrir grunn- og framhaldsskólanemendur, þótt allir aldurshópar geti haft gaman af. Lára G. Sigurðardóttir, læknir og doktor í lýðheilsuvísindum, vann handritið í samstarfi við SÁÁ og aðra sérfræðinga. Grafík og leikstjórn var í höndum Diddu Flygenring. Lýðheilsusjóður styrkti gerð myndbandanna.
Nikki Púðason
Myndböndin um Nikka Púðason eru hluti af verkefni sem miðar að því að vekja athygli á neikvæðum hliðum þess að nota nikótín og hversu ávanabindandi notkunin getur orðið.
