Tilkynning um stórslysavarnir vegna hættulegra efna

Stórslys er stjórnlaus atburðarás í meðferð efna svo sem leki, eldsvoði eða sprenging sem hefur í för með sér alvarlega hættu fyrir heilsu manna og/eða umhverfið.

Fyrirtæki sem nota mikið magn hættulegra efna þurfa að gera áætlun um stórslysavarnir.

Einnig þurfa fyrirtæki að hafa öryggisstjórnkerfi þar sem fylgst er stöðugt og kerfisbundið með hættum og hættulegum efnum á starfsstöðinni.

Gerð áætlunar um stórslysavarnir

Áætlun skal vera skrifleg og kröfur sem gerðar eru í henni vera í samræmi við umfang stórslysahættu sem starfsstöð fylgir. Meðal annars þarf að tiltaka:

• almenn markmið og meginreglur rekstraraðila í sambandi við aðgerðir gegn stórslysahættum

• hlutverk og ábyrgð stjórnenda

• skuldbindingar um stöðugar endurbætur á vörnum gegn stórslysahættu

• hvernig tryggja megi mikla vernd fyrir heilbrigði manna og umhverfis

• upplýsingar um öryggsstjórnunarkerfi

• Viðbragðsáætlun og aðgangur almennings að upplýsingum

• öryggisráðstafanir og grenndarkynning

Upplýsingar um gerð áætlunar um stórslysavarnir

er að finna í:

• Leiðbeiningum um gerð áætlunar um stórslysavarnir

• Reglugerð um varnir gegn hættu á stórslysum af völdum hættulegra efna.

• Vinna með efni og efnahættur.