Starfsemi veiðifélaga

Veiðifélög eiga að halda skrá sem heitir arðskrá. Í arðskrá kemur fram hvernig veiði eða arður af veiði skiptist á milli þeirra sem eiga veiðirétt. Þeir sem eiga veiðirétt geta verið fólk, fyrirtæki eða eigendur fasteigna að vatni innan félagssvæðis veiðifélagsins. Arðskráin á að vera í samræmi við 41. grein laga um lax- og silungsveiði.

Gerð arðskrár

Við gerð arðskrár skal meðal annars taka tillit til eftirfarandi atriða:

• Aðstöðu til netaveiði og stangveiði.

• Landlengdar að veiðivatni, vatnsmagns og stærðar vatnsbotns.

• Hrygningar- og uppeldisskilyrði fisks.

Samþykkt arðskrár

Við samþykki arðskrár gilda eftirfarandi reglur:

• Boða á löglega til félagsfundar.

• Í fundarboði á að koma skýrt fram að arðskrá verði til umfjöllunar.

• Til að arðskrá teljist samþykkt þarf 2/3 hluta atkvæða allra félagsmanna sem hafa atkvæðisrétt.

• Sé fundarsókn ekki næg á að boða til annars fundar og ræður þá meirihluti greiddra atkvæða.

• Ef arðskrá er ekki samþykkt á stjórn veiðifélags að óska eftir mati samkvæmt VII. kafla laga um lax- og silungsveiði.

Réttur félagsmanna til mats og endurskoðunar

• Allir félagsmenn eiga rétt á að krefjast mats á arðskrá.

• Krafa um mat verður að vera gerð innan tveggja mánaða frá þeim fundi þar sem arðskrá var samþykkt.

• Samkvæmt ákvörðun félagsfundar eða stjórnar, svo og einstökum félagsmönnum, er veiðifélagi heimilt að krefjast endurskoðunar arðskrár að liðnum átta árum frá gildistöku hennar.

Staðfesting og gildistaka

Ef formskilyrði hafa verið uppfyllt:

• Þá staðfestir Fiskistofa arðskrána.

• Arðskráin er svo birt í B-deild Stjórnartíðinda þegar málskotsfrestur er liðinn.

• Arðskráin tekur gildi tveimur mánuðum eftir að hún er birt.