Skoðanir skipa

Til að skip haldi haffæri skulu þau skoðuð reglulega. Skoðanir skulu fara fram árlega miðað við afmælisdagsetningu skipsins. Frekari upplýsingar um skoðunarfyrirkomulag skipa ásamt útskýringum á afmælisdagsetningu og skoðunarglugga er að finna á síðunni skoðunarfyrirkomulag skipa. Hægt er að sjá skoðunarhandbækur á síðunni skoðunarhandbækur.

Óflokkuð skip

Samgöngustofa og faggiltar skoðunarstofur framkvæma skoðanir á skipum sem ekki eru í flokki hjá flokkunarfélagi. Þær skoðanir sem skipið skal undirgangast tekur mið af gerð og stærð skipsins, en algengustu skoðanirnar eru

• búnaðarskoðun

• fjarskiptaskoðun

• bolskoðun

• botnskoðun

• þykktarmæling

• vél- og rafmagnsskoðun

• öxul- og stýrisskoðun

Flokkuð skip

Flokkuð skip skulu undirgangast skoðanir til að viðhalda flokkun sinni (flokkunarfélags skoðanir), en auk þess skulu þau sæta skoðunum líkt og óflokkuð skip. Flokkunarfélög framkvæma í flestum tilvikum þessar skoðanir í samræmi við samning milli Samgöngustofu og flokkunarfélagsins. Bent er á að hafa samband við flokkunarfélög varðandi skoðanir þeirra.

Laga og reglugerðastoð

• Skipalög nr. 66/2021.

• Reglugerð um skoðanir á skipum og búnaði þeirra nr. 466/2023.