Jafnvægisvogin er hreyfiaflsverkefni Félags kvenna í atvinnurekstri sem unnið er í samstarfi við stjórnvöld og hagsmunaaðila í íslensku atvinnulífi. Markmið Jafnvægisvogarinnar er að stuðla að jafnari kynjahlutföllum í efsta lagi stjórnunar fyrirtækja, opinberra stofnana, lífeyrissjóða og sveitarfélaga.

Viðurkenningarnar voru afhentar við hátíðlega athöfn í Háskóla Íslands þann 14. október undir yfirskriftinni „Losum um hnútinn“.

Útlendingastofnun fagnar viðurkenningunni, sem er ánægjuleg staðfesting á kynjajafnvægi í stjórendahópi stofnunarinnar. Viðurkenningin er jafnframt hvatning til að halda áfram að stuðla að jafnrétti og jöfnum tækifærum á vinnustaðnum.

Myndin af handhöfum viðurkenninganna var tekin af Sillu Páls.