Útlendingastofnun hefur tekið ákvörðun um að fresta afgreiðslu umsókna um alþjóðlega vernd frá Sýrlendingum vegna þeirrar óvissu sem ríkir í Sýrlandi.

Frestunin nær til umsókna þar sem ástandið í Sýrlandi liggur til grundvallar afgreiðslu stofnunarinnar, það er að segja þeirra umsókna sem teknar eru til efnislegrar meðferðar. Umsóknir um vernd sem fá málsmeðferð á öðrum grundvelli, sem felur í sér endursendingu til annars ríkis sem metið er öruggt, verða áfram afgreiddar.

Ákvörðunin gildir tímabundið og verður endurskoðuð í janúar.