Að þessu sinni voru kynningar á stafrænni vegferð Þjóðskjalasafns, nýju skjalaskrárkerfi safnsins sem er í innleiðingu, stöðu á tilfærslu verkefna og safnkosts Borgarskjalasafns Reykjavíkur og Héraðsskjalasafns Kópavogs til Þjóðskjalasafns og húsnæðisgreiningu Þjóðskjalasafns. Einnig voru kynnisheimsóknir héraðsskjalasafna í Þjóðskjalasafn ræddar.

Þá var sérstök umræða um framtíðarfyrirkomulag þessara funda og hvernig best væri að haga samstarfi opinberra skjalasafna en söfnin hafa í gegnum tíðina verið í ýmiskonar samstarfi. Alls sóttu tæplega 30 manns fundinn frá 16 opinberum skjalasöfnum.