Listi sem þessi er mjög mikilvægur þar sem auðvelt er að nálgast upplýsingar um hverjir eru með gild starfsréttindi og búa yfir fagkunnáttu. Hann byggir á gagnagrunni yfir 42 iðngreinar. Meðal þeirra eru fjölbreyttar greinar á borð við bakaraiðn, bifvélavirkjun, blikksmíði, flugvélavirkjun, húsasmíði, kjötiðn, ljósmyndun, matreiðslu, málaraiðn, múraraiðn, pípulagnir, prentun, rafvirkjun, snyrtifræði og vélsmíði.

Ekki hefur enn verið unnið úr öllum eldri gögnum en von er á þeim upplýsingum innan tíðar.

Gagnagrunnurinn er liður í aðgerðum stjórnvalda til að bæta umgjörð verk- og starfsnáms. Hann er samstarfsverkefni mennta- og barnamálaráðuneytisins, háskóla-, iðnaðar- og nýsköpunarráðuneytisins, dómsmálaráðuneytisins og sýslumanna.

Sýslumaður á Suðurlandi annast umsýslu gagnagrunnsins frá 1. janúar 2025.

Gagnagrunnur yfir sveinspróf á Ísland.is