Kristín Þórðardóttir sett sýslumaður í Vestmannaeyjum
4. október 2023
Dómsmálaráðherra hefur sett Kristínu Þórðardóttur, sýslumanninn á Suðurlandi, tímabundið sem sýslumann í Vestmannaeyjum, frá 1. október nk. til og með 30. september 2024.
![](https://images.ctfassets.net/8k0h54kbe6bj/7n6sPJg01i7CHZnV1I2dpz/9bb2173b807ccdc5a0e30ad958a31061/Krist_n___r_ard_ttir.jpg?w=50&fm=webp&q=80)
![Kristín Þórðardóttir](https://images.ctfassets.net/8k0h54kbe6bj/7n6sPJg01i7CHZnV1I2dpz/9bb2173b807ccdc5a0e30ad958a31061/Krist_n___r_ard_ttir.jpg?w=774&fm=webp&q=80)
Tilefni setningarinnar er beiðni Arndísar Soffíu Sigurðardóttur, sem var skipuð í embætti sýslumannsins í Vestmannaeyjum frá 1. apríl 2020, um lausn frá embætti.
Kristín Þórðardóttir mun gegna báðum embættunum á framangreindu tímabili.
Sú ákvörðun að setja sýslumann yfir tvö embætti samræmist áherslum ráðherra í málefnum sýslumanna, þ. á m. að unnið verði að því að fella niður áhrif umdæmismarka gagnvart almenningi. Á sýslumannadeginum 22. september sl., sameiginlegum fræðsludegi sýslumannsembættanna, tilkynnti ráðherra starfsfólki embættanna að hún hygðist fylgja eftir fyrri stefnumótunarvinnu og að setningar sýslumanna í laus embætti væri leið sem hún hefði áhuga á að nýta sér til að ná þeim markmiðum sem stefna málaflokksins byggir á.