Atkvæðagreiðsla utan kjörfundar vegna alþingiskosninga laugardaginn 25. september 2021
12. ágúst 2021
Almennar upplýsingar um atkvæðagreiðslu utan kjörfundar.
![](https://images.ctfassets.net/8k0h54kbe6bj/38cBujS3MkvGdaebXD0Mna/877ac574eebcbb050a2507fd4fbb9633/2437932668_26232aa677_b.jpeg?w=50&fm=webp&q=80)
![Alþingi](https://images.ctfassets.net/8k0h54kbe6bj/38cBujS3MkvGdaebXD0Mna/877ac574eebcbb050a2507fd4fbb9633/2437932668_26232aa677_b.jpeg?w=774&fm=webp&q=80)
Atkvæðagreiðsla utan kjörfundar hjá sýslumönnum vegna alþingiskosninga 25. september 2021 hefst föstudaginn 13. ágúst 2021. Greiða má atkvæði utan kjörfundar á skrifstofum og útibúum allra sýslumanna og öðrum þeim stöðum sem nefndir eru eða vísað er til hér að neðan á þeim tíma sem tiltekinn er.
Athugið að upplýsingarnar geta breyst án fyrirvara.
Kosið verður á sjúkrahúsum, dvalarheimilum aldraðra, fangelsum og öðrum slíkum stofnunum samkvæmt nánari ákvörðun sýslumanns á hverjum stað í samráði við viðkomandi forstöðumenn. Verður það jafnframt birt hér á vefnum þegar það liggur fyrir og tilkynning hefur borist frá viðkomandi sýslumanni. Aðeins er ætlast til að sjúklingar og vistmenn á stofnunum kjósi á þeim stofnunum sem um ræðir.
Ósk um atkvæðagreiðslu í heimahúsi vegna sjúkdóms, fötlunar eða barnsburðar, skal vera skrifleg og studd vottorði lögráða manns um hagi kjósandans. Hún þarf að hafa borist hlutaðeigandi embætti sýslumanns eigi síðar en kl. 10:00 tveimur dögum fyrir kjördag eða fimmtudaginn 23. september kl. 10:00.
Athugið að öllum þeim sem eru skráðir á kjörskrá er heimilt að greiða atkvæði utan kjörfundar hjá hvaða sýslumanni sem er, óháð búsetu eða lögheimili.
Nánar um kosningu utan kjörfundar á skrifstofum sýslumanna má nálgast á vef sýslumanna.
Nálgast má ýmsar almennar upplýsingar um atkvæðagreiðslu utan kjörfundar á kosningavef dómsmálaráðuneytisins.