Skipulagsstofnun
Almenningur og hagsmunaaðilar
Eitt markmiða umhverfismats framkvæmda er að tryggja aðkomu almennings að umhverfismati og samvinnu þeirra aðila sem hafa hagsmuni að gæta eða láta sig málið varða.
Á Skipulagsgátt, samráðsgátt um skipulagsmál, mat á umhverfisáhrifum og framkvæmdaleyfi, má finna upplýsingar um mál í vinnslu, gera athugasemdir við mál á kynningartíma og nálgast endanleg gögn og afgreiðslur.
Markvisst samráð við almenning og hagaðila frá upphafi umhverfismatsferlisins getur:
Aukið sátt um framkvæmdir.
Skilað gagnlegum upplýsingum inn í matsvinnuna, t.a.m. frá heimamönnum sem oft hafa góða staðbundna þekkingu á umhverfi og aðstæðum. Sú þekking getur nýst við hönnun framkvæmdar og mat á umhverfisáhrifum hennar.
Nánar um hvernig þú getur haft áhrif á skipulag byggðar og mótun umhverfis (pdf).
Hverjir geta gefið umsagnir og hvað verður um þær?
Allir geta veitt umsögn og komið á framfæri sínum sjónarmiðum um framkvæmdir og umhverfismat þeirra. Umsagnir sem berast á kynningartíma matsáætlunar og umhverfismatsskýrslu eru hluti þeirra gagna sem Skipulagsstofnun tekur afstöðu til þegar unnið er að áliti stofnunarinnar um matsáætlun og umhverfismat framkvæmdar.