Óskað er eftir því að aðilar sem hafi burði og getu til að taka að sér að framkvæma aðgerðir í eftirfarandi flokkum sendi erindi þess efnis til Sjúkratrygginga:

• Liðskiptaaðgerðir á hné og mjöðm

• Kviðsjáraðgerðir vegna legslímuflakks (endómetríósa) (bæði minni aðgerðir og stærri aðgerðir, þ.m.t. legnám)

• Bakaðgerðir vegna brjóskloss eða þrenginga í mænugöngum

Gerðir verða samningar til lengri tíma varðandi alla aðgerðarflokka, eða til allt að fimm ára. Heimilt er að óska eftir þátttöku í fleiri en einum flokki aðgerða. Að sama skapi geta fleiri en eitt heilbrigðisfyrirtæki sameinast um framkvæmd aðgerða, í einum eða fleiri flokkum.

Fyrirtæki sem hafi áhuga á að taka að sér framkvæmd ofangreindra aðgerða sendi erindi þess efnis á innkaup@sjukra.is eigi síðar en 15. mars 2024.

Þá er áhugasömum fyrirtækjum jafnframt boðið að leggja fram ábendingar um fyrirkomulag verkefnisins.