Hvað er blindratennis?

Blindratennis er aðlöguð útgáfa af tennis fyrir blinda og sjónskerta.

Notaður er sérstakur bolti sem gefur frá sér hljóð svo hægt sé að staðsetja hann eftir heyrn. Reglurnar eru aðlagaðar að mismunandi sjónskerðingu, meðal annars með því að leyfa boltanum að skoppa oftar en einu sinni.

Blindratennis er hreyfing, leikur og áskorun.

Þú þarft enga reynslu af tennis til að prófa.

Staðsetning

Tennishöllin Dalsmári 13 201 Kópavogur

Skráðu þig í tíma

Hægt er að skrá sig í klukkutíma í senn hjá Sjónstöðinni.

Pláss er fyrir allt að átta þátttakendur í hverjum tíma og því er nauðsynlegt að skrá sig fyrirfram.

Mánudagur 12. október

08:30–11:30

13:30–14:30

Þriðjudagur 13. október

09:30–14:30

Miðvikudagur 14. október

08:30–09:30

10:30–11:30

12:30–14:30

Fimmtudagur 15. október

10:30–11:30

12:30–14:30

Föstudagur 16. október

09:30–11:30

Taktu skemmtilegt fólk með þér!

Þú þarft alls ekki að koma ein eða einn.

Taktu með þér mömmu, pabba, ömmu, afa, frænda, frænku, vini eða bara hvern sem er sem er skemmtilegur og langar að prófa með þér.

„Þetta breytti lífi mínu.“

Þannig lýsir Chuck Gottus, blindur tennisleikari með retinitis pigmentosa, reynslu sinni af blindratennis. Hann hafði að mestu hætt í íþróttum þegar sjónin versnaði en segir blindratennis hafa hjálpað sér að endurheimta sjálfstraustið og upplifa sig aftur sem íþróttamann.

„Sjálfstæðið er mjög valdeflandi“

Tess Whelan, blindur tennisleikari í B1 flokki, lýsir reynslunni svona:

„Mér finnst frábært að hafa frelsið til að taka mínar eigin ákvarðanir og vita hvar ég er á vellinum. Þetta sjálfstæði er mjög valdeflandi.“

Skráning

Hafðu samband við Sjónstöðina, veldu tíma sem hentar og skráðu þig og þá sem koma með þér.

Það má að sjálfsögðu taka fleiri en einn með sér – svo lengi sem þeir eru skemmtilegir!

Sjáandi þátttakendur geta sett upp augnbindi eða gleraugu sem líkja eftir sjónskerðingu og prófað að treysta á hljóð boltans í stað sjónarinnar.

Þannig geta blindir, sjónskertir og sjáandi tekið þátt saman og tekist á við sömu áskorun.

Komdu og prófaðu blindratennis. Taktu með þér skemmtilegt fólk og sjáið hvort þið getið hitt boltann án þess að treysta á sjónina.