Júlíus Birgir Jóhannsson hefur fært Sjónstöðinni málverk að gjöf eftir hann sjálfan. Júlíus er fyrrverandi starfsmaður Sjónstöðvarinnar og sjálfur er hann með samþætta sjón- og heyrnarskerðingu. Honum fannst vanta áþreifanlegar myndir fyrir börn og vill að málverkið verði þar sem börn ná til og verður verkið sett upp í móttökurými fyrir börn og fjölskyldur þeirra. Verkið er því bæði til að horfa og þreifa á. Á myndinni má sjá og finna fyrir hestum og hestagerði við hesthús.