Fyrir hverja er námskeiðið?

Námskeiðið er hugsað fyrir þá sem hafa nýlega komið í þjónustu Sjónstöðvarinnar, þó eru allir notendur Sjónstöðvarinnar velkomnir.

Um hvað snýst námskeiðið?

Á þessu námskeiði bjóða Halldór Sævar Guðbergsson og Bjarni Karlsson blindum og sjónskertum einstaklingum upp á fræðslu, samtal og hópavinnu. Lögð er áhersla á trúnað og gagnlega samvinnu.

Þrjú þemu verða tekin fyrir:

• Meðhöndlun óvelkominna tilfinninga

• Sorg og sorgarúrvinnsla

• Virk og vanvirk samskipti

Við hlustum m.a. á æskusögur hvers annars. Ræðum um það hvernig sjálfsmynd okkar mótaðist, hvernig við sáum heiminn sem börn og unglingar og hvaða aðferðir við þróuðum til að bjarga okkur.

Við skoðum gleði og raunir fullorðinsáranna og spyrjum hvort aðferðir okkar í lífsbaráttunni þurfi kannski á uppfærslu að halda?

Hvenær er námskeiðið?

Boðið verður upp á fjögur námskeið, miðuð að aldri og kyni. Námskeiðið verður kennt 1x í viku í 4 skipti. Tveir tímar með kaffipásu hverju sinni.

Námskeiðin hefjast 16. og 18. febrúar.

Eldri karlar (60 ára og eldri) mánudaga kl. 14-16 - hefst 16. febrúar

Yngri karlar (yngri en 60 ára) mánudaga kl. 16:30-18:30 - hefst 16. febrúar

Eldri konur (60 ára og eldri) miðvikudaga kl. 14-16 - hefst 18. febrúar

Yngri konur (yngri en 60 ára) miðvikudaga kl. 16:30 -18:30 - hefst 18. febrúar

Skráning.

Skráning fer fram á netfangið sjonstodin@sjonstodin.is eða í síma 545-5800. Námskeiðsskráning hefst strax og er til og með miðvikudagsins 11. febrúar.

Námskeiðið er þátttakendum að kostnaðarlausu og verður haldið á Sjónstöðinni, Hamrahlíð 17,. 6. hæð.

Leiðbeinendur námskeiðsins eru: Bjarni Karlsson prestur og siðfræðingur og Halldór Sævar Guðbergsson, íþróttakennari og fyrrv. formaður ÖBÍ réttindasamtaka og Blindrafélagsins.