Hvað er ACT?

ACT byggir á þeirri kenningu að í stað þess að bæla eða forðast sársaukafulla atburði séu núvitund og sátt sveigjanlegri viðbrögð gagnvart áskorunum lífsins. Með því að upplifa hugsanir, líkamleg viðbrögð og tilfinningar á sveigjanlegri hátt er hægt að draga úr neikvæðum afleiðingum þeirra. Þátttakendur munu læra ýmsar leiðir til þess að takast á við hugsanir og tilfinningar, skerpa á hver gildin þeirra séu og hvernig þau vilja lifa lífinu.

Fyrir hver eru námskeiðin?

Námskeiðin verða tvö, eitt fyrir fólk á aldrinum 25-60 ára og annað fyrir fólk sem er eldra en 60 ára. Námskeiðið er kjörið tækifæri til að hitta aðra sem eru að takast á við sjónmissi.

Hvenær og hvar eru námskeiðin?

Námskeið fyrir fólk á aldrinum 25-60 ára: þriðjudaga kl.13:00-15:00 frá og með 3.febrúar til og með 24.febrúar.

Námskeið fyrir fólk frá 60 ára aldri: fimmtudaga kl.13:00-15:00 frá og með 5.febrúar til og með 26.febrúar.

Staðsetning: Sjónstöðin Hamrahlíð 17, 6 hæð.

Kostar að taka þátt í námskeiðunum?

Námskeiðið er þátttakendum að kostnaðarlausu.

Hvernig skrái ég mig?

Skráning er til 29.janúar og fer fram í afgreiðslu Sjónstöðvar í síma 545-5800 eða gegnum netfangið sjonstodin@sjonstodin.is

Hjördís Inga Guðmundsdóttir sálfræðingur hefur umsjón með námskeiðinu en frekari upplýsingar um námskeiðið veita Vala Jóna Garðarsdóttir og Steinunn Sævarsdóttir hjá Sjónstöðinni.