Alþjóðleg sjónverndardagurinn er haldinn annan fimmtudag októbermánaðar ár hvert. Tilgangur dagsins er að vekja athygli almennings út um allan heim á blindu og sjónskerðingu, sjónmissi og sjónvernd.

Þema dagsins í ár snýr að sjónvernd barna. Í tilefni dagsins eru foreldrar, forráðamenn og aðrir sem vinna með börnum hvattir til þess að huga að sjón barna sinna. Það getur falið í sér allt frá því að bóka reglulega tíma hjá augnlækni yfir í að minnka skjátíma og verja meiri tíma utandyra. Þá er fólk ekki síður hvatt til þess að fræða börn um sjónvernd og mikilvægi hennar.

Dagskrá Blindrafélagsins

Daganna 11.-17.október mun Blindrafélagið halda úti öflugri dagskrá í tilefni sjónverndardagsins og dags hvíta stafsins sem haldinn verður 15.október næstkomandi.

Á dagskrá verða færnibúðir og sjónlýsingar á hinum ýmsu viðburðum, svo sem á knattspyrnuleikjum Íslands í Þjóðardeildinni og heimildarmyndinni „Acting Normal with CVI“.

Nánari upplýsingar um dagskrána og skráningu á viðburði má finna á heimasíðu Blindrafélagsins https://www.blind.is/is