Maður ársins og heiðursviðurkenningar
11. febrúar 2023
Á degi íslensks táknmáls og afmælisdegi Félags heyrnarlausra, þann 11. febrúar, veitti þriggja manna stjórn félagsins þremur félagsmönnum viðurkenningar fyrir framúrskarandi árangur í störfum og daglegum verkefnum.
![](https://images.ctfassets.net/8k0h54kbe6bj/K7rpDou5DIsz1ffclCaUR/39902a62b756807cb70a5ff4c4462ee9/vidurkenning.jpeg?w=50&fm=webp&q=80)
![VidurkenningSHH](https://images.ctfassets.net/8k0h54kbe6bj/K7rpDou5DIsz1ffclCaUR/39902a62b756807cb70a5ff4c4462ee9/vidurkenning.jpeg?w=774&fm=webp&q=80)
Á degi íslensks táknmáls og afmælisdegi Félags heyrnarlausra, þann 11. febrúar, veitti þriggja manna stjórn félagsins þremur félagsmönnum viðurkenningar fyrir framúrskarandi árangur í störfum og daglegum verkefnum.
Kristinn Arnar Diego hlaut heiðursviðurkenningu fyrir vísindagrein sína, sem unnin var upp úr meistararitgerð hans í fötlunarfræðum og fjallar um stöðu döff fólks á Íslandi. Hann útskrifaðist árið 2020 en greinin var birt árið 2022 í Journal of Deaf Studies and Deaf Education. Taldi stjórnin hana vera mikilvægt framlag í rannsóknum um stöðu döff fólks á Íslandi.
Júlía G. Hreinsdóttir hlaut heiðursviðurkenningu fyrir mastersverkefni sitt í kennslufræðum, „Baráttusaga íslenska táknmálsins“. Að mati stjórnarinnar er verkefnið mikilvæg heimild um baráttusögu döff fólks fyrir íslensku táknmáli.
![](https://images.ctfassets.net/8k0h54kbe6bj/tRhNbZup2gPEX83vkvtFP/43d9121cfb352f8393d09ae72b34278c/farandbikar.jpeg?w=50)
![farandbikar](https://images.ctfassets.net/8k0h54kbe6bj/tRhNbZup2gPEX83vkvtFP/43d9121cfb352f8393d09ae72b34278c/farandbikar.jpeg)
Uldis Ozols hlaut viðurkenninguna „Maður ársins 2022“ í þágu menningar og lista, þá sérstaklega fyrir hlutverk sitt í leikritinu „Eyja“, sem sýnt var veturinn 2022 í Þjóðleikhúsinu.
![](https://images.ctfassets.net/8k0h54kbe6bj/TUX9T7pgwFBmLm9eql3iE/4c8a472637c92e185ff883442781d1eb/uldis_heiddis__1_.jpeg?w=50)
![Uldis](https://images.ctfassets.net/8k0h54kbe6bj/TUX9T7pgwFBmLm9eql3iE/4c8a472637c92e185ff883442781d1eb/uldis_heiddis__1_.jpeg)