Þrjú verkefni hlutu Nýsköpunarverðlaun hins opinbera
8. maí 2024
Nýsköpunarverðlaun hins opinbera eru veitt í aðdraganda Nýsköpunardags hins opinbera sem fer fram 15. maí næstkomandi á Hilton Reykjavík Nordica.
![](https://images.ctfassets.net/8k0h54kbe6bj/6hhdEXqkDYlYRPkLzuz6IA/b423cd150fc05d8206b8e85162117cd0/R_kiskaup_Bessat__um04067.jpg?w=50&fm=webp&q=80)
![Verðlaunahafar nýsköpunarverðlaun hins opinbera 2024](https://images.ctfassets.net/8k0h54kbe6bj/6hhdEXqkDYlYRPkLzuz6IA/b423cd150fc05d8206b8e85162117cd0/R_kiskaup_Bessat__um04067.jpg?w=774&fm=webp&q=80)
Þrjú verkefni hlutu Nýsköpunarverðlaun hins opinbera árið 2024 sem veitt eru fyrir framúrskarandi árangur á sviði nýsköpunar í opinberri starfsemi. Alls bárust vel á fjórða tug tilnefninga en dómnefnd skipuð fulltrúar Sambands íslenskra sveitarfélaga og fjármála- og efnahagsráðuneytisins.
Sýslumenn
Sýslumenn hlutu viðurkenningu fyrir brautryðjendastarf við sjálfvirknivæðingu opinberrar þjónustu, og sérstaklega stafræna málsmeðferð dánarbúa. Alls voru 92% útgefinna dánarvottorða í lok árs 2023 stafræn, en voru 26% í byrjun sama árs. Sýslumenn fá helstu lykilupplýsingar á borð við skattframtöl og ökutækjaeignir sjálfkrafa í ferlinu, aðstandendur geta fyllt allar yfirlýsingar og umsóknir út stafrænt, sem hefur gert umsóknarferlið einfaldara og fljótlegra.
![](https://images.ctfassets.net/8k0h54kbe6bj/4tnHev46oKmgP5vtb23eF4/568a71c5bd13bed47c0538b2dce3f479/syslumenn.jpeg?w=50)
![sýslumenn verðlaunahafar](https://images.ctfassets.net/8k0h54kbe6bj/4tnHev46oKmgP5vtb23eF4/568a71c5bd13bed47c0538b2dce3f479/syslumenn.jpeg)
Reykjavíkurborg og Vestmannaeyjabær
Reykjavíkurborg og Vestmannaeyjabær hlutu sameiginlega viðurkenningu fyrir verkefni varðandi útboð og innleiðingu á velferðartæknilausn sem hefur gert heilbrigðis- og félagsþjónustuveitendum á velferðarsviði sveitarfélaganna kleift að stórefla upplýsingamiðlun sín á milli og hámarka skilvirkni við veitingu fjölbreyttrar þjónustu í heimahúsum. Þjónustunotendur hafa einnig öðlast betri yfirsýn á skipulagi sinnar þjónustu.
![](https://images.ctfassets.net/8k0h54kbe6bj/5oNEf12MvemYT73IUNgEAS/1b902ddbd494da2fe1d67ccf5ee370b9/rvkvest.jpg?w=50)
![rvk og vestmannaeyjar verðlaunahafar](https://images.ctfassets.net/8k0h54kbe6bj/5oNEf12MvemYT73IUNgEAS/1b902ddbd494da2fe1d67ccf5ee370b9/rvkvest.jpg)
Árborg
Þá fékk sveitarfélagið Árborg sérstaka viðurkenningu fyrir framfaradrifinn metnað á sviði umbóta og stafrænnar þjónustu sveitarfélagsins. Í erfiðu árferði hefur Árborg lyft grettistaki í stafrænni umbreytingu með fjölbreyttum stafrænum umbótaverkefnum sem hafa skilað bættri yfirsýn stjórnenda á verkefnin og dregið úr álagi starfseminnar.
![](https://images.ctfassets.net/8k0h54kbe6bj/5U6gzOJhmp1vEQiS2mPkt5/d1a470a0bfdeb6cb014d7965d30878ac/arborg.jpeg?w=50)
![árborg verðlaunahafar](https://images.ctfassets.net/8k0h54kbe6bj/5U6gzOJhmp1vEQiS2mPkt5/d1a470a0bfdeb6cb014d7965d30878ac/arborg.jpeg)
Nýsköpunardagurinn er framundan
Nýsköpunarverðlaun hins opinbera eru veitt í aðdraganda Nýsköpunardags hins opinbera sem fer fram 15. maí næstkomandi á Hilton Reykjavík Nordica. Þar verður fjöldi erinda með sérstaka áherslu á gervigreind og hvernig hún getur hjálpað við að leysa ýmsar áskoranir í rekstri og þjónustu. Frekari upplýsingar um Nýsköpunardaginn má finna hér:
NHO24: Opinber hagnýting á gervigreind | Ísland.is (island.is)