Til að tryggja jafnt aðgengi allra áhugasamra fara námskeiðin fram í streymi. Skráning er hafin á fyrstu námskeið Innkaupaskólans sem kennd verða í vetur í samstarfi við Starfsmennt.

Grunnnámskeið í opinberum innkaupum

6. og 14. nóvember

• 6.nóv - Kl. 9-12 (Myndbönd gerð aðgengileg)

• 14. nóv - Kl 10-12 (Teams umræðufundur)

Á námskeiðinu verður fjallað um opinber innkaup, einkum útboð, sem leið til að koma á samningi milli opinberra aðila og fyrirtækja. Um er að ræða inngangsnámskeið þar sem helstu grundvallaratriðum verður gerð góð skil. Fjallað verður um helstu lög og stefnur, meginreglur laga um opinber innkaup, gildissvið laganna og hvernig eigi að leggja mat á hvort innkaup séu útboðsskyld. Þá verður farið yfir hvaða kröfur megi gera í útboðsgögnum og hvernig eigi að leggja mat á framlögð tilboð, einkum hvenær tilboð teljist gild og hvenær megi kalla eftir viðbótarupplýsingum.

Helstu efnisþættir námskeiðisins:

• Markmið opinberra innkaupa, helstu lög og stefnur

• Meginreglur laga um opinber innkaup

• Gildissvið laga um opinber innkaup og hvenær stofnast til útboðsskyldu

• Tæknilýsingar, hæfiskröfur, valforsendur og samningskröfur

• Mat og val tilboða

Kennari: Stanley Örn Axelsson
Skráning og nánari upplýsingar

Rammasamningar við opinber innkaup

7. desember
Klukkan 9-12
Streymi

Á námskeiðinu verður fjallað um rammasamninga sem innkaupatækni við opinber innkaup, hvað einkennir slíka samninga, hvaða reglur gildi við gerð þeirra og hvernig eigi að framkvæma innkaup á grundvelli þeirra.

Helstu efnisþættir námskeiðisins:

• Rammasamningar sem innkaupatækni

• Gerð rammasamnings

• Kaup innan rammasamnings

Kennari: Stanley Örn Axelsson
Skráning og nánari upplýsingar

Sjálfbær innkaup

18. janúar
Klukkan 9-12
Streymi

Fjallað verður um hugtakið sjálfbærni út frá lögum um opinber innkaup nr. 120/2016 og hvernig opinberir aðilar skulu bera sig að við mótun og innleiðingu sjálfbærnikrafna í útboðsgögn. Lögð verður sérstök áhersla á þau skilyrði sem sjálfbærnikröfur verða að uppfylla samkvæmt lögunum og í því skyni tekin dæmi af dómaframkvæmd Evrópudómstólsins.

Helstu efnisþættir námskeiðisins eru:

• Ávinningur og áskoranir

• Innleiðing sjálfbærni í útboðsgögn

• Aðferðafræði stefnumótandi innkaupa við sjálfbærni

Kennari: Brynjólfur Sigurðsson
Skráning og nánari upplýsingar