Rannsóknaþing verður haldið fimmtudaginn 12. febrúar 2026 kl. 14:00-16:00, á Hótel Reykjavík Natura, undir yfirskriftinni Opin og ábyrg vísindi.

Á Rannsóknaþingi eru tekin fyrir stefnumál á sviði rannsókna og nýsköpunar, litið til baka og horft til framtíðar. Á hverju þingi er settur skýr fókus á tiltekið umfjöllunarefni og í ár verður fjallað um samspil ábyrgra og opinna vísinda með áherslu á öryggi gagna og ábyrga miðlun þeirra. Rætt verður um hvernig þessi skilgreining á ábyrgð kallast á við kröfur um opin vísindi og hvaða afleiðingar það hefur fyrir framkvæmd rannsókna, mótun stefnu og uppbyggingu innviða í vísindasamfélaginu.

Þá verður úthlutun Rannsóknasjóðs tilkynnt á þinginu.

Logi Einarsson, menningar-, nýsköpunar- og háskólaráðherra, opnar þingið og mun einnig veita Hvatningarverðlaun Rannsóknasjóðs fyrir árið 2026 í lok þingsins.

Dagskrá*

• Setning Rannsóknaþings

  • Logi Einarsson, menningar-, nýsköpunar- og háskólaráðherra

• Hvatningarverðlaun Rannsóknasjóðs

  • Páll Melsted, formaður dómnefndar

  • Logi Einarsson, menningar-, nýsköpunar- og háskólaráðherra

• Ábyrg vísindi

  • Job Sommer, ráðgjafi í þekkingaröryggi hjá landstengilið Hollands í þekkingaröryggismálum innan hollensku fyrirtækjaþjónustunnar (RVO).

• Opin vísindi

  • Guðbjörg Andrea Jónsdóttir, sérfræðingur hjá menningar-, nýsköpunar- og háskólaráðuneyti

• Opin og ábyrg vísindi – Pallborð

  • Áslaug Ásgeirsdóttir, rektor Háskólans á Akureyri

  • Ragnheiður I. Þórarinsdóttir, rektor Landbúnaðarháskóla Íslands

  • Guðbjörg Andrea Jónsdóttir, sérfræðingur hjá menningar-, nýsköpunar- og háskólaráðuneyti

• Úthlutun Rannsóknasjóðs

  • Þóra Pétursdóttir, formaður stjórnar Rannsóknasjóðs

*Birt með fyrirvara um breytingar.

Að loknu þingi er boðið upp á léttar veitingar.

Öll eru velkomin á Rannsóknaþing en gestir eru þó beðnir um að skrá sig á þingið.

Skráning

Rannsóknaþing fer að hluta til fram á ensku

Einnig verður hægt að fylgjast með Rannsóknaþingi í beinu streymi.

Hlekkur á streymi birtist hér þegar nær dregur.

Facebook viðburður

LinkedIn viðburður