Að þessu sinni er sérstök áhersla lögð á metnaðarfullar rannsóknir á sviði öldrunar, í samræmi við áherslur stjórnar sjóðsins og stefnu stjórnvalda.

Veittir verða fimm eins árs rannsóknarstyrkir til rannsóknarhópa sem vinna að rannsóknum á öldrun. Hámarksfjárhæð hvers styrks er 15 milljónir króna, auk allt að 5 milljóna króna vegna samreksturs og aðstöðu, þannig að heildarstyrkur getur numið allt að 20 milljónum króna.

Heilbrigðisvísindasjóður hefur það hlutverk að efla rannsóknir í heilbrigðisvísindum, allt frá grunnvísindum til lýðheilsu og klínískra rannsókna. Með áherslu ársins á öldrun er kallað eftir öflugum rannsóknaverkefnum sem geta aukið þekkingu á þessu sífellt mikilvægara sviði heilbrigðisvísinda.

Umsóknarfrestur er til 1. október 2026 kl. 15:00 að íslenskum tíma. Umsóknum skal skilað rafrænt í umsóknarkerfi Rannís.

Heilbrigðisvísindasjóður er samkeppnissjóður sem heyrir undir heilbrigðisráðherra og er í umsjón Rannís. Umsóknir eru metnar faglega með hliðsjón af meðal annars vísindalegu gildi verkefna, færni og aðstöðu umsækjenda og líkum á að verkefnin skili mælanlegum árangri og ávinningi. 

Kallað er eftir metnaðarfullum rannsóknarverkefnum á sviði öldrunar.

Nánar um sjóðinn.

 Fyrirspurnum má skal senda á netfangið hvsjodur@rannis.is