Landspítali og Heilbrigðisvísindasvið Háskóla Íslands hafa sameinað vísindaráðstefnur sínar í eina öfluga ráðstefnu sem mun miða að því að efla tengsl, samvinnu og sýnileika vísinda.
Nýja ráðstefnan ber heitið Vísindi á vordögum og verður haldin 8. og 9. apríl 2026.

Á ráðstefnunni koma saman vísindamenn, sérfræðingar, kennarar, nemendur, fulltrúar fyrirtækja og áhugasamur almenningur til að kynna og ræða nýjustu rannsóknir og þróun í líf- og heilbrigðisvísindum á Íslandi.

Þátttaka er öllum opin og gjaldfrjáls.

Móttaka ágripa

Opnað hefur verið fyrir móttöku ágripa og öll sem stunda rannsóknir í líf- og heilbrigðisvísindum eru hvött til að senda inn ágrip.

Ágripin munu öll fara í yfirlestur hjá vísindanefnd ráðstefnunnar og samþykkt ágrip verða birt á heimasíðu ráðstefnunnar.

Mikilvægar tímasetningar:

• 15. desember - Ágripakalli lokað

• 20. janúar - Höfundum svarað í síðasta lagi

• mars - Dagskrá tilbúin

• 8. og 9. Apríl - Ráðstefna

Athugið að ágripakallið er í gegnum Researchweb og það þarf að gera aðgang að kerfinu áður en hægt er að senda inn ágrip. Leiðbeiningar fyrir Researchweb og innsendingu ágripa má finna hér.

Vísindi á vordögum 2025

• myndband

• Styrkir og verðlaunaágrip