Land og skógur
Alaskaösp
Aspartegundir
Vaxtarlag: Oftast beinvaxið tré, króna mjó til breið, misjöfn eftir klónum.
Vaxtarhraði: Oftast mikill en hægur í rýru mólendi.
Landshluti: Um land allt.
Sérkröfur: Ljóselsk tegund, þarf ferskan jarðvegsraka til að ná góðum vexti.
Styrkleikar: Hraður vöxtur, gott frostþol og saltþol eftir klónum, gott vindþol, ilmur, viður.
Veikleikar: Asparryð, misjafnt frostþol eftir klónum.
Athugasemdir: Alaskaösp er hraðvaxnasta trjátegund í íslenskri skógrækt og ein þeirra fjögurra tegunda sem mestar vonir eru bundnar við til timburframleiðslu og kolefnisbindingar. Kynbætur munu á komandi árum skila klónum sem eru betur aðlagaðir, ryðþolnari, beinvaxnari og gjöfulli en hingað til hefur þekkst.
