HSN á Húsavík fékk formlega afhent ný maga- og ristilspeglunartæki frá Styrktarfélagi HSN í Þingeyjarsýslum
26. maí 2023
Á aðalfundi Styrktarfélags HSN í Þingeyjarsýslum á dögunum voru ný maga- og ristilspeglunartæki formlega afhent HSN á Húsavík.
![](https://images.ctfassets.net/8k0h54kbe6bj/2NYQzApkZ9LkvCAqEnyNyP/d4098956008707ceb703bce6a8eb9ea9/danni_aslaug.jpg?w=50&fm=webp&q=80)
![danni aslaug](https://images.ctfassets.net/8k0h54kbe6bj/2NYQzApkZ9LkvCAqEnyNyP/d4098956008707ceb703bce6a8eb9ea9/danni_aslaug.jpg?w=774&fm=webp&q=80)
Tækin gera stofnuninni kleift að taka þátt í skimunarátaki fyrir maga- og ristilkrabbameini sem fyrirhugað er á landsvísu. Tækin kostuðu um 9 milljónir og nýtur félagið stuðnings félagasamtaka, einstaklinga og fyrirtækja við verkefni sín fyrir heilbrigðisstofnunina.
Tilgangur félagsins er að styðja við starfsemi starfsstöðva HSN í Þingeyjarsýslum með fjárframlögum til kaupa á ýmis konar lækningatækjum og öðrum nauðsynlegum búnaði sem bætir aðbúnað sjúklinga og aðstandenda þeirra.
Við erum afar þakklát félaginu og öllum þeim félagasamtökum sem studdu söfnunarátakið fyrir tækjunum.
![](https://images.ctfassets.net/8k0h54kbe6bj/4Dr4NwTpSJ2PzCtnHcoZxz/56f4a62e0dec6d1bbe9e4badb6729519/20230515_173604.jpg?w=50)
![StyrktarfelagHSN](https://images.ctfassets.net/8k0h54kbe6bj/4Dr4NwTpSJ2PzCtnHcoZxz/56f4a62e0dec6d1bbe9e4badb6729519/20230515_173604.jpg)
Hér má sjá myndbrot, þar sem Heilsutríóið tekur lagið.