Stofnun Akureyrarklíníkurinnar - þekkingar- og ráðgjafarmiðstöðvar um ME sjúkdóminn og langvarandi eftirstöðvar COVID-19 fer fram föstudaginn 16. ágúst kl. 14 í Menntaskólanum á Akureyri (Kvosinni).

Haldin verða nokkur stutt erindi og heilbrigðisráðherra og forstjórar Sjúkrahússins á Akureyri og Heilbrigðisstofnunar Norðurlands undirrita samstarfsyfirlýsingu um stofnun klíníkurinnar.

Myalgic encephalomyelitis (ME) er alvarlegur krónískur þreytusjúkdómur. Hluti þeirra sem fengu COVID-19 glíma við eftirstöðvar með ME líkum einkennum. Með stofnun Akureyrarklíníkurinnar er ætlunin að efla þjónustu við einstaklinga með ME og langvarandi eftirstöðvar COVID-19, stuðla að samfélagslegri vitundarvakningu, standa að skráningu og nýta tækifæri til rannsókna.

Akureyrarklíníkin mun hafa samhæfandi hlutverk á landsvísu og leiða samstarf við Landspítala og aðra aðila sem sinna ME sjúklingum svo sem endurhæfingarstofnanir og sérfræðilækna á stofum.

Streymt verður frá opnuninni í gegnum Facebook viðburðinn, sjá hlekk.

Öll velkomin!

DAGSKRÁ

• TÓNLIST – Edda Björg og Unnsteinn

• Opnun – Hildigunnur Svavarsdóttir, forstjóri SAk

• Ávarp heilbrigðisráðherra – Willum Þór Þórisson

• Ávarp landlæknis – Alma Möller

• Af Akureyrarklíníkinni: Friðbjörn Sigurðsson, læknir

• Tvær stuttar reynslusögur

  • Herdís Sigurjónsdóttir

  • Vilborg Ása Guðjónsdóttir

• TÓNLIST – Edda Björg og Unnsteinn

• New ME Clinic in Iceland. Opportunities and Challenges Ahead: Jonas Bergquist, læknir og prófessor við Uppsalaháskóla í Svíþjóð

• Ávarp forstjóra Landspítala - Runólfur Pálsson

• Lokaorð - Jón Helgi Björnsson, forstjóri HSN

• Undirritun samstarfsyfirlýsingarinnar

Léttar veitingar að fundi loknum.