Árlegar bólusetningar að hefjast
6. október 2023
Árlegar bólusetningar við inflúensu og Covid-19 hefjast hjá HSN eftir miðjan október.
![](https://images.ctfassets.net/8k0h54kbe6bj/6qY1OsPP4TUC7wi5xn9U6Z/5ca8233b83f9bf5fe4fbd69506934d74/HSN-20-04-07-27223.jpg?w=50&fm=webp&q=80)
![Bólusetningar](https://images.ctfassets.net/8k0h54kbe6bj/6qY1OsPP4TUC7wi5xn9U6Z/5ca8233b83f9bf5fe4fbd69506934d74/HSN-20-04-07-27223.jpg?w=774&fm=webp&q=80)
Boðið verður upp á bólusetningar við inflúensu og Covid-19 fyrir forgangshópa á heilsugæslustöðvum HSN eftir miðjan október.
Bólusett verður samtímis við inflúensu og Covid-19 á öllum heilsugæslustöðvum. Hægt verður að velja um að fá annað hvort eða bæði bóluefnin í sömu heimsókn.
Sóttvarnalæknir mælir með því að eftirtaldir áhættuhópar fái forgang við bólusetningar við Covid-19:
Allir einstaklingar 60 ára og eldri.
Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum eða eru ónæmisbæld af völdum lyfja eða sjúkdóma.
Barnshafandi konur.
Heilbrigðisstarfsfólk sem annast einstaklinga í áhættuhópum sem taldir eru upp hér að ofan.
Nánari upplýsingar um bólusetningar gegn inflúensu og Covid-19.