23. júní 2026

Í júní tók Hæstiréttur á móti kennurum og nemendum við sumarskóla Cumberland School of Law við Samford University í Alabama. Á meðal gesta voru Blake Hudson, forseti lagadeildar skólans, og Tona M. Hitson, sem annast alþjóðleg samskipti lagadeildarinnar. Á móti gestunum tóku Benedikt Bogason, forseti réttarins, Ólöf Finnsdóttir, skrifstofustjóri, og Ivana Anna Nikolic, aðstoðarmaður dómara. Þau kynntu störf réttarins og gerðu grein fyrir íslenskri dómstólaskipan.