Hæstiréttur Íslands
Heimsókn frá Áfrýjunardómstól Riga
17. maí 2023
Hæstiréttur fékk í gær heimsókn frá Áfrýjunardómstól Riga (Riga Regional Court) en gestirnir voru þær Daiga Vilsone, forseti réttarins, Līga Blūmiņa, formaður einkamáladeildar réttarins, Ingūna Amoliņa, starfandi formaður sakamáladeildar réttarins og Svetlana Beļajeva, dómari við einkamáladeild réttarins.
Benedikt Bogason forseti Hæstaréttar, Ólöf Finnsdóttir skrifstofustjóri og Linda Ramdani aðstoðarmaður dómara tóku á móti þeim, kynntu þeim dómhúsið og starfsemi Hæstaréttar. Þá voru góðar umræður um hvað er líkt og hvað ólíkt með réttarkerfum Íslands og Lettlands og framþróun hjá dómstólum, einkum á sviði tækninýjunga og rafrænnar málsmeðferðar.