• Eftirlit og umsjón með að settum lögum, reglugerðum og reglum sé fylgt.

• Hvers konar eftirlit og athuganir sem nauðsynlegar eru samkvæmt lögum þessum og reglugerðum eða reglum settum samkvæmt þeim.

• Eftirlit með geislaálagi starfsmanna vegna jónandi geislunar og halda skrá yfir niðurstöður einstaklingsbundins eftirlits fyrir hvern einstakan starfsmann.

• Reglubundið mat á heildargeislaálagi almennings af starfsemi sem lög þessi taka til.

• Reglubundið mat á geislaálagi sjúklinga af læknisfræðilegri geislun hérlendis.

• Vöktun og rannsóknir á geislavirkum efnum í matvælum og umhverfi.

• Fræðslu um geislavarnir fyrir starfsfólk er vinnur við geislun jafnframt því að miðla upplýsingum til almennings og fjölmiðla.

• Rannsóknir á sviði geislavarna.

• Geislunarlegan þátt viðbúnaðar við hvers kyns geislavá, m.a. greiningu á ógn af hennar völdum, samhæfingu viðbúnaðar við alþjóðleg viðmið, rekstur viðbúnaðar- og geislamælikerfa og annað því tengt.

• Nauðsynlega mælifræði og varðveislu landsmæligrunna vegna notkunar jónandi geislunar á Íslandi.

• Samvinnu við erlendar stofnanir á sviði geislavarna og kjarnorkumála.

• Önnur atriði er lúta að framkvæmd laga þessara og önnur verkefni á sviði geislavarna eftir nánari ákvörðun ráðherra.

Hlutverk Geislavarna er skilgreint í lögum nr. 44/2002. Stofnunin hefur það hlutverk að annast öryggisráðstafanir gegn geislun frá geislavirkum efnum og geislatækjum.

Starfsemi Geislavarna er skilgreind í 5. gr. laga nr. 44/2002 með síðari breytingum.

Geislavarnir ríkisins heyrir undir Heilbrigðisráðuneytið.

Sjá nánar kynningu á starfsemi Geislavarna ríkisins í Landanum 2018

• Að vinna að verkefnum stofnunarinnar af metnaði og hagsýni.

• Að viðhalda vottuðu gæðakerfi samkvæmt ISO 9001.

• Að veita góða þjónustu þar sem jafnræðis og sanngirni er gætt.

• Að auka þekkingu og skilning á geislun og geislavörnum með ráðgjöf, fræðslu og samstarfi.

• Að hafa faglega vel hæft starfsfólk sem er ánægt í starfi og nær góðum árangri.

• Að reka stofnunina innan ramma fjárveitinga.

• Árangursrík og ábyrg notkun geislunar.

• Þróun stjórnkerfis (gæðakerfis).

• Góð þjónusta.

• Fræðsla á faglegum forsendum.

• Ánægt starfsfólk.

• Ábyrg fjármálastjórn.