Tekið er mið af nýjustu leiðbeiningum fagfélaga í Evrópu og nýjustu þekkingu á geislanæmi vefja og líkindum á geislasköðum.

Löng hefð er fyrir notkun geislahlífa á sjúklinga en breytingar á notkun þeirra hafa verið í farvatninu um nokkurt skeið.

Ólíkt því sem áður var er nú almennt ekki mælt með notkun blýhlífa nema í undantekningartilvikum. Ekki er mælt með notkun blýhlífa fyrir kynkirtla, fóstur, brjóst eða augastein. Nota má blýhlífar fyrir skjaldkirtil í tannlækningum en þó er ekki mælt sérstaklega með því.

Allir sem koma nálægt notkun geislunar í læknisfræði eru hvattir til að kynna sér nýju leiðbeiningarnar.