Til að vera ábyrgðarmaður eða tæknimaður skermaðs röntgentækis verður að ljúka þessu námskeiði.

Fyrirkomulag námskeiðs

Námskeiðið er kennt í tveimur hlutum:

• fyrri hlutinn er fjarnám, sem þátttakendur geta sinnt á sínum tíma,

• seinni hlutinn er annað hvort staðkennsla í Reykjavík eða fjarkennsla í gegnum Teams.

Áherslur námskeiðsins

Á námskeiðinu er farið yfir eftirfarandi:

• Almennur grunnur geislavarna; líffræðileg áhrif jónandi geislunar, geislaálag starfsmanna sem vinna með skermuð röntgentæki.

• Kynning á gerð og notkun röntgentækja í iðnaði og við öryggisgæslu og nauðsynlegum mælibúnaði.

• Lagaumhverfi; skyldur og hlutverk leyfishafa, ábyrgðarmanna, tæknimanna og notenda.

• Eftirlit með notkun tækja og áherslur í starfsemi Geislavarna ríkisins hverju sinni. 

Efni námskeiðsins er lagað að þátttakendum hverju sinni.

Eftir námskeiðið   

Að námskeiði loknu eiga þátttakendur að:   

• þekkja lög og reglugerðir um geislavarnir

• vera meðvitaðir um skyldur sínar

• hafa lágmarksþekkingu á vörnum gegn jónandi geislun

• þekkja áherslur Geislavarna ríkisins varðandi þá starfsemi sem þátttakendur tengjast 

Sjá nánar um kröfur til ábyrgðarmanna vegna notkunar geislatækja og geislavirkra efna (pdf)

Próf

Námskeiðinu lýkur með prófi. Hlekkur á prófið er sendur á þátttakendur fljótlega eftir að kennslustund lýkur. Þátttakendur fá viku til að taka prófið og geta því tekið prófið á þeim tíma sem þeim hentar.

Til að ljúka námskeiðinu þarf að ná 80% árangri á prófinu.

Verð námskeiðsins

26.000 krónur

Ef dagsetning liggur ekki fyrir er hægt að skrá sig á biðlista.

Námsefni

Þátttakandi fer yfir efnið á sínum hraða og klárar áður en seinni hluti byrjar.

Námsefnið samanstendur af:

• veffyrirlestrum á íslensku,

• myndböndum frá Alþjóðakjarnorkumálastofnuninni

• völdum vefsíðum.

Áætlaður tími fyrir þennan hluta er 2-3 klukkustundir.

Námsefni - hluti 2, kennslustund

Þátttakendur skrá sig annað hvort í fjarkennslu eða staðkennslu (Reykjavík).

Námsefnið samanstendur af glærum sem fyrirlesarar fara yfir í kennslustund. Glærur eru sendar til þátttakanda fyrir kennslustund.

Áætlaður tími fyrir þennan hluta er 2-3 klukkutímar