Grunnskilyrði til kaupa á landi í eigu ríkisins samkvæmt skilyrðum sem sett eru i verklagsreglum frá fjármála- og efnahagsráðuneytinu um beitingu á heimild í 6. gr. fjárlaga um sölu sumarhúsalóða, íbúðalóða og spildna í eigu ríkisins frá 7. júlí 2020 eru eftirfarandi:

• Kaupandi eða tengdur aðili þarf að hafa leigt lóðina í 15 ár eða lengur

• Lóðin þarf að vera minni en 20 hektarar

• Kaupandi þarf að hafa byggt fasteign á lóðinni eða nýtt hana með öðru aðliggjandi landi í eigin eigu

• Lóðin þarf að vera notuð á sama hátt eftir kaupin

Ef þú uppfyllir þessi skilyrði er hægt að senda inn formlega umsókn til FSRE á fsre@fsre.is með eftirfarandi gögnum:

• Nafn og kennitala leigutaka

• Afrit lóðaleigusamnings

Málið verður svo tekið fyrir með formlegum hætti, skráð sem erindi og tekið til meðferðar.